amalinks wokungena

Breaking News

Kucunule Abanengi Ukuguqulwa Kwesisekelo Sombuso Okwengeza Amandla kaMnangagwa


President Emmerson Mnangagwa addressing people in Gwayi, Matabeleland North, Friday, February 25, 2021. (Photo: Ezra Sibanda)

Udaba lokupasiswa kweBill ezaguqula isisekelo sombuso welizwe, iConstitutional Ammendment Bill No. 2 yiphalamende ngoLwesithathu solucunule abanengi abathi linguquko ipha uMongameli Emmerson Mnangagwa amandla amanengi kakhulu.

Abanengi basola njalo amalunga ebandla leMDC-T ngokuvota ebambane leZanu PF ekupasiseni iBill le, yona epha uMnangagwa amandla okukhetha abahluleli bemithethwandaba bengavivinywanga nguzulu njengalokhu obekusenziwa.

Imupha njalo amandla okwengeza isikhathi sabahluleli abayabe sebemele bathathe impentsheni abafana lomahluli omkhulu uChief Justice Luke Malaba yena ozafikisa iminyaka yokuzalwa engamatshumi ayisikhombisa, 70, okuyiyo iminyaka abahluleli abamele betshiye ngayo umsebenzi mhlaka 15 ngenyanga ezayo.

Lanxa amalunga eMDC-T amanengi evote leZanu PF, amane awo agoqela uNkosazana Thokozani Khupe alile ukuyamukela linguquko avota ebambisane laweMDC Alliance kaMnu Nelson Chamisa.

Abavotele iBill le bangu191 kuthi abale ukuyamukela bangu22. Ilunga leMDC Alliance uMnu Edwin Ndlovu, ongomunye wabaloba isisekelo esesiguqulwa lesi ngo2013 uthi kuyadanisa kakhulu okwenzakeleyo.

please wait

No media source currently available

0:00 0:02:17 0:00

Amazwi kaNdlovu agcizelelwe lilunga leMDC-T uMnu Khaliphani Phugeni yena othi uMaKhupe udaniswe ngabanye abebandla lakhe abavote besamukela linguquko yona athi ikhuthaza umbuso omubi.

please wait

No media source currently available

0:00 0:02:00 0:00

Kodwa ilunga leZanu PF uMnu Believe Gaule utshele iStudio 7 ukuthi akulalutho olubi ngokuguqulwa kwesisekelo sombuso lesi.

please wait

No media source currently available

0:00 0:02:17 0:00

Facebook Forum

XS
SM
MD
LG