Idale lephalamende selisungule uhlelo lokudinga amalunga eZimbabwe Electoral Commission (ZEC) ayisithupha ngesikhathi kulungiselelwa ukhetho luka2023.
Ikhomithi yalelidale, iStanding Rules and Orders, yethule umbiko ikhuthaza uzulu ukuthi azebhalise labo afuna babe ngosikomitshi abazagcwalisa izikhundla ezizavuleka ngoNtulikazi.
Sehlulekile ukukhuluma lomgcinisihlalo weZEC uNkosikazi Priscilla Chigumba ukuze sizwe ukuthi yibaphi kahle-kahle osikommitshi abazatshiya umsebenzi.
Inengi lihlezi likhonona ngokuthi osikomitshi abakhona basekela iZanu PF kanti layo ikhomishini yezokhetho ilawulwa yilelibandla.
Ngokunjalo, isikhulumeli somanyano weEkhayaVote2023 uMnu Nkosikhona Dibiti utshele iStudio 7 ukuthi kuqakathekile ukuba abantu baphatheke kuloluhlelo ukuze kukhethwe osikomitshi ababafunayo.