Inhlanganiso yeNational Aids Council (NAC) ithi kulamantombazana angafika phose inkulungwane eyodwa-909, aleminyaka engaphansi kwelitshumi lasithupha abadlwenguliweyo elizweni kunyanga ezine ezedluleyo.
Inhlanganiso le ithi njalo phakathi kwabantu abayinkulungwane lengxenye ababanjwe iganyavu, abangamatshumi ayisikhombisa lasikhombisa lasikhombisa batholakale sebelegciwane lengculazi.
Nyakenye ngasikhathi sinye kudlwengulwe abantu abayinkulungwane lamatshumi ayisikhombisa njalo abangamatshumi ayisitshiyagalombili lasithupha batholakala sebelomkhuhlane wengculazi.
Impumela le ikugwalo lweNAC olukhangelelwe ukwethulwa kusikhatshana esilandelayo. Inhlanganiso yezindaba iNewZimbabwe.com yiyo eqale ukwethula loludaba.
UNkosikazi Linda Mpofu, yena olwela amalungelo abesifazana usole kakhulu ukudlwengulwa kwabantwana.
