amalinks wokungena

Breaking News

Kufa Abantu Abedlula Amatshumi Amabili Engozini Yomgwaqo


Abantu abangamatshumi amabili lanye bafile ngemva kokuba imota abakade bekuyo ingqikilane lemota edonsa ithanka lamafutha enkampani ye Green Fuel kwaqhamuka umlilo eChisumbanje, eChipinge South ngoLwesithathu ekuseni.

Imota le, eyohlobo lwe T35 ibithwele abantu abangamatshumi amathathu abakade bevela eChegutu besiyangcwaba isihlobo sabo bethwele isidumbu somuyi laso esitshe saba ngumlotsha kulingozi.

Amapholisa athi awenelisi ukuveza amagama abantu abaphelwel ngumpefumulo kulingozi ngoba betshe okokuthi abasakhanyi.

Esinye isihlobo sabafileyo laba sithi abalitshumi bekungabantu abavela emhulini yinye eyako Muyambo. Omunye ofike lingozi isanda kwenzakala uthi abogatsha lokucitsha umlilo kabezanga ngesiphangiphangi okubangele ukuthi umlilo uqhubeke uthunqa ngemva kwesikhathi eside okokuthi labakade bengabe besinde kulingozi bacine besitsha.

Lingozi yenzakala ngemva kwamalanga ambalwa kwenzakale enye njalo edolobheni leGweru lapho okwafa abantu abemuli nye abayisikhombisa.

Ukhansila wedolobho leharare, uMnu. Peter Moyo, utshele iStudio 7 ukuthi inani lengozi zomgqwaqo liyethusa, ikakhulu kathesi sibhekane lekhefu lekhisimusi.

please wait

No media source currently available

0:00 0:02:08 0:00
Lapho esitholakala khona
XS
SM
MD
LG