amalinks wokungena

Breaking News

Kufa Abantwana Abathathu kuHlelo lweBilharzia


Umsekeli kampathintambo wezempilakahle uDr Paul Chimedza, uthi uhlelo lwalonyaka lokupha imithi olwe National Mass Drug Administration Program luphumelele okwamagama lanxanje kufe abantwana abathathu kwezinye indawo zelizwe.

UChimedza uthi lolu hlelo lokupha abantwana imithi yemikhuhlane ebalisa owebilharzia lama worms uthole usekelo olukhulu ebazalini okwenze luqeliswe okwamanye amalanga ukuze kufinyelelwe umntwana wonke. Uqhubeke ethi kulusizi ukuthi abanye abazali bacine belahlakelwa ngabantwana ngenxa yomizimba yabantwana engavumelananga lemithi le, kodwa ugatsha lwakhe lusadingisisa ukuthi ngempela na imfa yabantwana ibangelwe yile imithi na loba hatshi.

EChinhoyi, esigabeni seMashonaland West isikhulumeli samapholisa u-Inspector Clemence Mabgweazara ugcizelele ukuthi kulomntwana obhubhe kuyonale iviki ngemva kokuphiwa lumuthi kodwa waphanga wathi abantu bangagijimeli ukwethesa limithi umlandu wokubangela imfa. USimbarashe Kamonzo owemzini weMasiyarwa village ubikwa ebhubhe ngemva kokukhala ngekhanda ngemva kwamahola athile ephiwe umuthi we praziquantel.

Lanxa abazali bekhala ngokuthi uhulumende kumele aqale ahlolisise limithi andubana isetshenziswe ebantwaneni yena uhulumende uthi luqhubeka kuhle lolu hlelo obe kumele luphele ngoLwesihlanu njengoba solwengezwe ngamanye amalanga.
XS
SM
MD
LG