amalinks wokungena

Breaking News

Kufa Izibotshwa Ezinhlanu Ngamanxeba Atholakale Kudlakela Lwejele leChikurubi


Chikurubi Prison

Inhlanganiso ekhangelane lenhlalakahle yezibotshwa eye Zimbabwe Association for Crime Prevention and Rehabilitation of the Offender ithi akumangalisi ukuxokozela okuqhamuke entilongweni yeChikurubi Maximum Prison duzane leHarare ngoLwesihlanu, lapho okufe izibotshwa ezimbalwa, ngoba umumo wemajele ungamanga kuhle.

UChief Edson Chihota, umqondisi wenhlanganiso le uthi izibotshwa zithwele nzima ngokuphiwa ukudla okungafanelanga. UChihota utshele iStudio 7 ukuthi ukufa kwesibotshwa esisodwa kulandela ukukhalala ukudla kweizibotshwa ezatshayana labazigcinileyo kutshengisa ukuthi kunzima entilongweni zeZimbabwe. Ezinye zalimala kakubi kudlakela lokuxokozela okwenzakale entilolweni ngalelo langa.

Uhlangothi olubona ngezezibotshwa olweZimbabwe Prisons and Correctional Services lubika ukuba kulesibotshwa esisodwa kuphela esifileyo ngoLwesihlanu kulolu dlakela. Ikantike kuphuma imibiko ethi inani lezibotshwa esezifile okwamanje ngemva kodlakela lwangoLwesihlanu selifike kwabantu abahlanu.

XS
SM
MD
LG