amalinks wokungena

Breaking News

Abantu Balimala Ngesikhathi Befuna Ukubona Isidumbu Sika Mugabe


Abanye sebephele umoyo kancane ...
Abanye sebephele umoyo kancane ...

Kulimale abantu abambalwa enkundleni yeRufaro Stadium eHarare ngoLwesine abasekeli bebandla leZanu PF bebangisana ukungena enkundleni ukubona isidumbu lokuvalelisa owayengumongameli uRobert Gabriel Mugabe.

Balimele bezama ukubona isidumbu sikaMugabe
Balimele bezama ukubona isidumbu sikaMugabe

Amapholisa athwale nzima ezama ukulondoloza umumo ngesikhathi abantu befuqana njalo benyathelana bebangisana ukungena ngentuba obekumele bangene ngayo enkundleni yeRufaro.

Abalimeleyo bebethwalwa ngabenhlanganiso yeRed Cross.

Omunye wabangene kulayo ndawo uthe ubuhlungu ngokwenzakale enkundleni yeRufaro.

“Ngibuhlungu kakhulu ngoba konke okuselizweni, inhlalakahle le eselizweni lendaba yenkululeko, ukutholiswa amathuba wokuyathola imfundo ezikolo, konke nguMugabe.”

Omunye wabalimeleyo eRufaro Stadium
Omunye wabalimeleyo eRufaro Stadium

Unobhala jikelele wenhlanganiso yabasakhulayo eye Citizens Forum, uLonius Rozvi Majoni, laye uthe udane okumangalisayo ngokubhubha kuka Mugabe.

“Thina sithi kalale ngokuthula njengomuntu omdala njengamasiko ethu athi wona nxa umuntu esefile esesitshiyile kumele simhloniphe. Kodwa kumele sibone ke into azenzayo esaphila lapha emhlabeni.

Uzwa ubuhlungu okumangalisayo ...
Uzwa ubuhlungu okumangalisayo ...

“Thina simazi njenge Pan African giant wayekhuluma nje ngaphadle kwelizwe kumbe lapha eZimbabwe ekhuluma ngokuthi kumele abantu abamnyama labo bakhululeke bathole konke abakufunayo. Ngaphandle kwalokho simazi njengo political leader …Wenza amaphutha amanengi njalo wenza okuhle okunengi.”

UMajoni uthi lanxa waba lamaphutha akhe uMugabe, okuqakathekileyo manje yikuba kukhangelwe phambili.

Uzulu uzanikwa ithuba njalo ngoLwesihlanu eRufaro Stadium ukuthi avalelise uMugabe.

Isidumbu sakhe sizahanjiswa njalo eNational Sports Stadium ngoMgqibelo. Umdeni wakhe uzathatha isidumbu ngeSonto ayengcwatshwa lapho abafisa ukumbeka khona.

Udaba Esilethulelwe NguMavis Gama
please wait

No media source currently available

0:00 0:02:57 0:00


XS
SM
MD
LG