amalinks wokungena

Breaking News

Kulungile Na Ukuthi Abantu Benze Amahlaya Ngesimo Somnotho weZimbabwe?


Zimbabwean Bond Notes
Zimbabwean Bond Notes

Sokuvuke ingxoxo mpikiswano ngokusetshenziswa kwenhlekisa nxa abantu bekhuluma ngesimo esinzima esibhekane lezizalwane zeZimbabwe ezithwaliswe amagabha avuzayo. Abanye bathi akukho okubi ngalokho kanti abanye bathi kukhomba ukuba abantu abazimiselanga ukusombulula inkinga ezibhekane lelizwe labo.

Sokuyimvama eZimbabwe ukuthi ubunzima bempilo obubhekane lozulu sekuhlekiswana ngabo njengobanje ungaze ubophe ubuso, ukhwince izidwaba kungathi ubukhwezela ngamandla.

Izizalwane zeZimbabwe zona kazivumelani ngalo umkhuba wabanengi wokuguqula isimo sibe ngamahlaya okwenziwa ngabanengi.

UMnu. Future Moyo ngomunye wabathi akulunganga ukuthi abantu bakitazane ngomonakalo okhona elizweni, okuphikiswa ngusomahlaya uObert Dube.

Ngakwelinye icele esinye isizalwane seZimbabwe uMnu. Butholezwe Mpofu uthi ukwenza amahlaya ngesimo sendlala, imikhuhlane, ubuyanga, ukusilela kwemali lemisebenzi kufana lokudlala ngegeja kuziliwe.

Kodwa uMnu. Mlungisis Tshabalala uthi ungakhangela inengi lama hlaya la kunhlelo zabo facebook, kukhombisa ukuthi asenika abanengi amandla awokuthi elakusasa lise bephila.

UObert Dube uthi njengabosomahlaya bazaqhubeka bebika okwenzakalayo kungakhathalekile ukuthi kuthinta uzulu kumbe inkokheli zombusazwe. Uthi lezi ngezinye zendlela abazisebenzisayo ukulimukisa uzulu ukuthi kukhona osekonakele okufuze akulungise.

please wait

No media source currently available

0:00 0:03:44 0:00

XS
SM
MD
LG