amalinks wokungena

Breaking News

Kulungile Ukupha Abaphila leHIV Amaphilisi Masinya


Isinqumo esabekwa yi W-H-O sithi abaphila legcikwane lengculaza kabaqalise ukunatha amaphilisi ama ARV iCD4 count yabo isiku 350 hatshi ku 200.

Ukudingisisa okusanda ukuqhutshwa e South Africa kuveza ukuthi abantu abalegcikwane le ngculaza abaqalisa ukunatha amaphilisi ama ARV's ancedisa amasotsha womzimba ukulwisana lemikhuhlane masinyane baphila impilo ende kulalabo abawanatha igcikwane lengculaza selisabalele emzimbeni wonke.

UDokotela Leigh Johnson we University of Cape Town onguye oqhube lokhu kudingisisa utshele umsakazo weVoice of America ukuthi ele South Africa, njengamanye amazwe, selilandela isinqumo esabekwa yi World Health Organization SOkuthi abaphila legcikwane lengculaza baqalise ukunatha amaphilisi ama ARV's i-CD4 count yabo isese ku 350 hatshi ku 200.

Uthi ngemva kokuhlolisisa abaqala ukuthatha ama ARV's i-CD4 count yabo iku 350, unanzelele ukuthi impilo yabo iba ngcono kakhulu njalo iba inde.

UMnu. Obert Banda, olwela amalungelo abantu abaphila legcikwane le ngculaza utshele uSithandekile Mhlanga we Studio 7 ukuthi ukuphangisa ukuthatha amaphilisi amaARV's sokulondoloze impilo zabanengi.

please wait

No media source currently available

0:00 0:02:06 0:00
Lapho esitholakala khona
XS
SM
MD
LG