Uhlelo lokuthathwa kwemibono yabantu, olwe “Outreach Programme” olwenziwa phansi kokulotshwa kwesisekelo sombuso kubikwa kungaqalisa kumaviki amathathu kusiya kwamane alandelayo.
Uhlelo lolu, oluhlezi lumiswa ngenxa yokuswelakala kwemali, bekumele lusungule ngoMgqibelo odluleyo kodwa kwehlula ngoba kungelamali. Imali yokuphathisa lolu hlelo ibikwa isizavela e Sweden, kanye lakunhlanganiso ezigoqela i United Nations Development Programme, le USAID.
USithandekile Mhlanga we Studio 7uxoxe lomsekeli kamgcinisihlalo wekomidi ebona ngokulotshwa kutsha kwesisekelo sombuso, ekucele le MDC elikhokhelwa nguMnu. Morgan Tsvangirai, uNkosikazi Gladys Dube, yena othi bagqibe kuhle uhlelo lokufundisa abazayathatha imibono kazulu, ama rappoteurs njalo sebelungiselela uhlelo lwe outreach.