amalinks wokungena

Breaking News

Kulungiselelwa Ukunanza Ilanga Elinyamalele u-Itai Dzamara


Ufikisa umnyaka u-Itai Dzamara enyamalele mhlaka 9 Mbimbitho

Abemhuli yako Dzamara kanye lamalunga e-Occupy Africa Unity Square, bathi bakhathazekile ngesidensi sikahulumende lamapholisa, lokungazihluphi kwawo kulokho okumele akwenze phezu kokunyamalala kuka Itai Dzamara, osekubenza bakholwe ukuba wathathwa ngabezomvikela, abohlangothi lwensoli zikahulumende abe CIO.

Emhlanganweni lentathelizindaba owenzelwe emahofisini enhlanganiso yamagqwetha alwela ilungelo loluntu, eye Zimbabwe Lawyers For Human Rights- ZLHR, umfowabo kaItayi, umnumzana Patson Dzamara, uthe uzaqhubekela phambili umkhosi wokufola, ngoLwesithathu kunanzwa umnyaka selokhu uItayi wanyamalalayo.

Kwasekelwa ngunobhala jikelele wenhlanganiso abeyikhokhela uItai, eye Occupy AfricaOccupy Africa Unity Square, uCharles Nyoni, okhuthaza ontanga bonke ukuba baphume ngobunengi bayesekela lokhu kufola.

Omunye osakhulayo, umnumzana Stephen Sibanda utshele intathelizindaba ukuba bezakuqhubekela phambili ngalokhu kufola, kungenani ukuthi bayitholile loba kabayitholanga imvumo emapholiseni.

Abangene lumhlangano, wokwazisa uzulu, ngamanyathelo azothathwa yilenhlanganiso ye OAUS, ngemva kokuphanjaniswa ukunanza umnyaka uItai enyamalele, babalisa umfundisi Ancelimo Magaya emele abezokholo, amalunga abesebenza lo Itayi, abemuli yakoDzamara kanye lamagqwetha awe ZLHR.

XS
SM
MD
LG