amalinks wokungena

Breaking News

Kulungiswa Uluhlu Lwabalelungelo Lokuvota


URegistrar General uMnu Tobaiwa Mudede uthi ihofisi yakhe isiqalisile ukucitsha amabizo abantu asebafayo kuluhlu lwabalelungelo lokuvota, i-voters roll.

UMudede utshele umsakazo weZBC ukuthi benza lokhu bencedisana lenkokheli yosiko egoqela izinduna labosobhuku.

Le yinto esicunule kakhulu amacele womabili eMDC wona athi inkokheli yosiko akumelanga iphatheke kuloluhlelo ngoba isaziwa ngokusekela iZanu PF.

Umkhokheli wedale lezinduna uMnu Fortune Charumbira ukhuthaze izinduna emhlanganweni weZanu PF Conference koBulawayo ngeviki edluleyo ukuthi zisekele iZanu PF ngokuqinileyo.

Kodwa phansi kwesivumelwano seGlobal Political Agreement abosiko abavunyelwa ukuthi bathathe uhlangothi kwezombusazwe.

Umqoqi wenhlelo kuMDC ekhokhelwa nguMnu Welshman Ncube, uMnu Qhubani Moyo uthi izinduna akumelanga ziphatheke kuhlelo lolu.

Amazwi akhe agcizelelwe ngumsekeli wesikhulumeli seMDC ekhokhelwa nguMnu Morgan Tsvangirai uNkosazana Thabitha Khumalo.

Kodwa umkhokheli weZanu PF edale lephalamende uMnu Joram Gumbo uthi ukusebenza labosiko kuloluhlelo kuzaphathisa ekuphumeni le-voters roll eqondileyo.

XS
SM
MD
LG