amalinks wokungena

Breaking News

Kunanzwa Ilanga Labantu Abahlukunyezwayo Ngezombusazwe


EleZimbabwe limanyane lamanye amazwe omhlaba ngoMvulo ekunanzeni ilanga lokukhumbula abantu abahlukunyezwayo emazweni abo ngezizatho ezitshiyeneyo ezigoqela indaba zombusazwe.

Inhlanganiso ezilwela amalungelo oluntu zithi uhulumende kumele aqedise ukubunjwa kwekomishini ebona ngohlelo lokukhumisana umlotha iNational Peace and Reconcilliation Commission (NPRC) iqale umsebenzi ngokuphangisa.

Ikomishini le yabunjwa ngenjongo yokuqhuba uhlelo lokukhumisa umlotha abantu abaphatheka kubi ngodlakela lwezombusazwe kusukela ilizwe lithola uzibuse wabensundu.

Isikhulumeli senhlanganiso yeHeal Zimbabwe, uMnu. Rollings Magede, utshele iStudio 7 ukuthi iNPRC kumele iqale ukusebenza ngokuphangisa.

"Ikomishini le kumele iqalise ukusebenza ngokuphangisa yenze umsebenzi eyawubunjelwayo ngoba banengi abantu abahlukumezekileyo abalokhe Bemelelele ukwahlulelwa, ijustice ngesingisi," kutsho uMagede.

please wait

No media source currently available

0:00 0:02:12 0:00
XS
SM
MD
LG