amalinks wokungena

Breaking News

Kunanzwa Ilanga leWorkers Day Inengi Likhonona Ngomnotho Welizwe


UMnu. Japhet Moyo wenhlanganiso yezisebenzi eyeZCTU.
UMnu. Japhet Moyo wenhlanganiso yezisebenzi eyeZCTU.

EleZimbabwe limanyana lamazwe omhlaba ukunanza ilanga leWorkers’ Day ngoLwesithathu, izisebenzi zikhala ngokoma kwempilo ngenxa yokudula kwempahla lokusilela kwemisebenzi.

Izisebenzi zisola njalo uhulumende ngokwehluleka ukulungisa umnotho, wona oqhubeka utshabalala. Kodwa embikweni wakhe oqondane leWorkers’ Day, uMongameli Emmerson Mnangagwa ukhuthaze izisebenzi ukuthi zibekezele ngoba uhulumende wenza konke akwenelisayo ukuvuselela umnotho.

Inhlanganiso emela amalungelo ezisebenzi eyeZCTU ithi izananza lelilanga ngemibuthano elizweni lonke njalo umkhosi wayo omkhulu uzaqhutshwa eDzivarasekwa, eHarare.

Unobhala jikelele walinhlanganiso uMnu Japhet Moyo uthi lanxa esola uhulumende ngokwehluleka ukuthuthukisa impilo yezisebenzi, ukhuthaza lazo izisebenzi ukuthi zibambe ziqine lapho ezikhona.

please wait

No media source currently available

0:00 0:02:57 0:00

XS
SM
MD
LG