amalinks wokungena

Breaking News

Kungenziwa Ukhetho Elizweni UTsvangirai Uyanqoba-MPOI


Impumela yokucubungula okwenziwe yinhlanganiso ye Mass Public Opinion Institute-MPOI, ngenyanga edluleyo, kuveza ukuthi kungenziwa ukhetho eZimbabwe iMDC ekhokhelwa nguMnu Morgan Tsvangirai inganqoba, ilandelwa yiZANU PF, kulandela iZAPU.

Inhlanganiso le ibuze abantu abedlula inkulungwane-1 062 elizweni jikelele ukuthi nxa kungenziwa ukhetho elizweni ngubani abangamvotela. Abayisiliganiso sokungamatshumi edlula kancane amathathu ekhulwini-32% bathi bangavotela uTsvangirai, kuthi abangaba yisilinganiso phose kokungamatshumi amabili ekhulwini-18% uMugabe, abayisilinganiso sokubili ekhulwini-2% bathi uMnu Dumiso Dabengwa oweZAPU. Abayisilinganiso sokungamatshumi amane ekhulwini-40% bathe engxenye abasoze bavote.

UBrenda Moyo weStudio ukhulume lengcwethi ecubungula ezombusazwe uMnumzana George Mkhwanazi othi kujwayelekile ukuthi labo abenza incubungulo ezinje baveze bona abafuna kwenzakale.

XS
SM
MD
LG