amalinks wokungena

Breaking News

Kuphawulwa Uhlelo olweWomen in Tourism National Executive Chapter


Ekuphawulweni kohlelo lwe Women in Tourism

Bebegcwele injabulo abekade besemkhosini weWomen in Tourism National Executive Chapter Launch, owenzelwe e Harare International Conference Centre ngoMvulo.

UmkaMngameli uNkosikazi Auxhillia Mnangagwa ekuphawulweni kohlelo lweWomen in Tourism
UmkaMngameli uNkosikazi Auxhillia Mnangagwa ekuphawulweni kohlelo lweWomen in Tourism

Obengumhlonitshwa kulumkhosi bekungumkamongameli welizwe, uNkosikazi Auxillia Mnangagwa.

Emazwini akhe okuphawula lumkhosi uNkosikazi Mnangagwa ukhuthaze abesifazane ilizwe lonke ukuba baphatheka emisebenzini etshiyeneyo kuhlangothi lwezokwethekelelana ukuze bazithuthukise bona lelizwe.

“Endaweni yokuthi sifafaze amanga masibeni ngabesifazane abasabalalisa imibono emitsha yokuzithuthukisa. Sebenzisani lelithuba ukuba ngabantu abazimelayo empilweni lanelise ukuqhuba amabhizimusi ngesibanga esiphezulu okuzosiza ukusungula imisebenzi Kanye lokuphilisa izimhuli. Abakuzikhundla zobukhokheli kuloluhlangothi olusungulwe lamuhla ngibakhuthaza ukuba bangaze baphatheka kumisebenza yenkhlkalo”

Unkosikazi Enicia Ndlovu wasemzini we Rimuka edolobheni le Kadoma ngomunye wabaze kulomkhosi.Yena ulungisa impahla eyehlukeneyo ebalisa izikhwama zabesifazane

“Ngathatha I loan e Women’s Bank,ngavula I account khonangale kodwa ngiyafisa ukuthi ngisebenze ngibone ukuthi ngiyakwanisa yini ukufaka imali e bank ngikhulise ibizimusi lami. Ngike ngahamba e Trade Fair nyakenye khathesi ngiyafisa ukuthi ngiye lami e Trade Fair e Namibia.”

Lumsakazo wanelise ukukhulumisana lenkokheli ekhethwe ukukhokhela loluhlelo lwe Women in Tourism ezigabeni okubalisa umgcinisihlalo esigabeni se Matebeleland North unkosikazi Stella Mthunzi Mafaone.

“Umama we wonke weZimbabwe lapha akhona ngithi sukuma ngoba lesi yisikhathi sokuthi udingele imuli yakho ukudla.Akudingi ukuthi ule certificate bani kudinga ingqondo yakho lokhuthala ukuze emzini wakho ungabulawa yindlala”

Unkosikazi Sibusiso Musengi ongumgcinisihlalo okhokhela abesifazane esigabeni se Midlands ulandisa ngokuqakatheka kosuku lolu.

“Usuku lwalamuhla luqakatheke kakhulu nguba lutshengise ukuthi abantu abangomama babamba okungakanani ku secto yethu eye Tourism.”

Lumkhosi ungenwe ngabesifazane abavele ezigabeni ezehlukeneyo zelizwe ababagoqela iziphathamandla zengatsha zikahulumende, abaze bemele abebhanga labesifazane, I Women’s Bank, abavele kunhlanganiso yomanyano wamazwe omhlaba owe United Nations abaphathintambo labavele kunhlangothi ezehlukeneyo zempilo.

Bekuhaywa ingoma ebezidumisa uNkulunkulu kanye lezincoma imisebenzi kaNkosikazi Mnangagwa ebezikhokhelwa ngabe Glorious Melodies Choir – GMC.

Facebook Forum

XS
SM
MD
LG