amalinks wokungena

Breaking News

Kusungulwa Inhlanganiso Ekhankasela Ukulondolozwa Kwendimi Ezeyiswayo


Sekusungulwe inhlanganiso ekhankasela ukulondolozwa kwendimi ezikhulunywa ngabalutshwala, iZimbabwe Indigenous Languages Promotion Association (ZILPA).

Inhlanganiso le isungulwe ngoMvulo eNational Art Gallery koBulawayo njalo iziphathamandla zayo zikhuthaze uhulumende ukuthi egcwalise isisekelo sombuso ngokulinganisa zonke indimi.

Isisekelo sombuso esitsha sinanza zonke indimi ezilitshumi lane ezikhulunywa eZimbabwe ngokulinganayo.

Indimi lezi zibalisa isiChewa, isiKoisan, isiTonga, isiTswana, isiChibarwe, isiNambya, isiShona, isiShangani, isiKhiwa, isiNdau, isiSotho, isiKalanga, isiNdebele, isiVenda, isiXhosa kanye leSign Language.

please wait

No media source currently available

0:00 0:04:46 0:00

Kodwa iZILPA ithi uhulumende lokhe engakakuvezi sobala ukuthi uyaziqakathekisa zonke indimi lezi, ikakhulu ezikhangelelwa phansi ezingayisiso isiShona, isiKhiwa kumbe isiNdebele.

Isiphathamandla salinhlanganiso, uNkosikazi Maretha Dube uthe yebo bayafundiswa ababalisi emakolitshini kodwa uma sebephiwa umsebenzi bathunyelwa ezigabeni ezikhuluma indimi abangalufundelanga.

“Okusikhathazayo yikuthi nxa lababantu sebeqeqetshile, sebefakwa ezikolweni ezingelazo lezindimi abaziqeqetshileyo,” kutsho uNkosikazi Dube.

Esinye njalo isiphathamandla salinhlanganiso uMnu Saul Gwakuba Ndlovu, ongumlobi njalo wembali, uthe kuhle ukuba lenhlanganiso enje kodwa osokudingeka yikuthi kube lemisakazo esakaza ngalezindimi kusiya ngezigaba.

Lanxa zonke izndimi ezikhulunywa eZimbabwe sezinanzwa ngokulinganayo phansi kwesisekelo esitsha, indimi ezinengi ezifana lesiKhoisan azikafundiswa ezikolo lasemakolitshini.

IZimbabwe Indigenous Languages Promotion Association ithi kunzima njalo ukwenza amabhizimusi ngalezindimi, khona ethi kumele ilungiswe.

Ithi njalo kumele zifundiswe ezikolo lezindimi ukuze abafundi babambe abakufundayo lula hatshi ukuthi bafundiswe ngolimi abangalukhulumiyo emakhaya abo.

Facebook Forum

XS
SM
MD
LG