amalinks wokungena

Breaking News

Kusungulwa Inhlanganiso Ezafundisa Inzalo yeZimbabwe Ulimi Lamasiko, eBradford Kwele Bhilitane


Abantwana abazalwa emazweni abazi ulimi lwabazali.

Izizalwane zeZimbabwe ezihlala edolobheni leBradford kweleBhilithane sezibumbe inhlanganiso yokuthi zixhasane ngendubeko ezihlangana lazo, ezibalisa ezokufelwa yizihlobo, indaba zamaphepha lokufundisa abantwabazo ngendimi, amasiko lembali yeZimbabwe okuthiwa yiBradford Association For Zimbabweans.

Umcimbi wokubumba linhlanganiso ubulezizalwane zeZimbabwe ezilihlekana lapho ezikhulume ngendubeko ezinengi ezihlangana lazo kweleBhilithane.

UMnunzana Lexington Dube ngomunye wabaqalise linhlanganiso. Ke sizwe imbono yakhe:

“Inhlanganiso yethu Sibanda kuthiwa yiBradford Association for Zimbabweans, ye kuyinhlanganiso yamaZimbabweans ahleli phakathi komuzi we Bradford. Injongo ingeyokuzama ukuthi sisebenzelane ndawonye sincedisane njengoba sikhatshana lekhaya ikakhulu izinhlupho esihlangana lazo empilweni.

“Manje ke namhl'umhlangano wethu ubungokuthi sihlangane ukuthi simise ke abantu abayibo abazasikhokhela ngoba inhlupho zinengi.IBradford ngeyinye indawo elabantu baseZimbabwe abanengi kakhulu inhlupho lazo zakhona sezizinengi kakhulu,yikho ke ukuhlangana kwethu nmhlanje besisithi sibelohlelo oluyilo oluzasenz'ukuthi sibelendlela yokuthi silungisise into zethu,” kutsho uDube.

Abantwana bezizalwane zeZimbabwe ezihlala kuleli abawazi amasiko kanye lendimi ezikhulunywa kweleZimbabwe okudabuka khona abazali babo. UMnunzana Wellingtone Moyo uchaza imisebenzi ebhekane lalinhlanganiso.

“LweBradford luncedisa izimuli,luncedisa abantwana ukuthi bakhulume izindimi zabo ezinjenge SiNdebele, isiShona, iSwahili, sincedise njalo abantwana lama assignments siyakwazi ukuthi abanye abazali bayathwala nzima ngokuncedisa abantwana babo ama assignment.Yikho ke phakathi kwethu silababalisi silamanesi silama Doctors okutshengisela ukuthi khona wonke olodubo kuCommunity yethu yeBradford uyathola ukusizakala kuCommunity yethu,” kutsho uMoyo.

Into ejabulisayo yikuthi labomama bebebanengi kulumcimbi njalo bathi bazasukemela phezulu ukuze babambanise zonke izizalwane zeZimbabwe ezihlala eBradford. Unkosazana Isabel Dlamini ngomunye wabo

“Namhlanje besihlangene siliqembu leZimbabwe ukuze sibumbe iZimbabwean Community ukuze uma nxa sihluphekile sihlangane sincedisane.Ngalokhonje siyathemba ukuthi ngosuku olulandelayo abantu bazabuya sihlangane, manjena njengoba sikhatshana sibesincedisana,” kutsho uDlamini.

KweleBhilithane lolalo nguzibonele, abanye bayafelwa kuswelakale labantu abangabamba izandla, abanye bagulelwe kumbe bagule kungatholakali ongabavakatshela abakhuthaze, abantwana ulimi lwabokhokho kabalwazi, izizalwane zeZimbabwe eYorkshire sezithe hatshi lokho asobuntu yikho sebethe babumbe inhanganiso yeBradford Association for Zimbabweans ukuqeda loludubo.

Facebook Forum

XS
SM
MD
LG