amalinks wokungena

Breaking News

Kwethulelwa Uzulu Ibandla Elitsha Elizancintisa Kukhetho ngo2018


Elinye njalo ibandla lezombusazwe eliphikisayo elizibiza ngokuthi Economic National Democratic Party (ENDP), liphawulwe okusemthethweni eHarare ngoLwesine ngesikhathi ilizwe lilungiselela ukhetho lokudinga inkokheli ngomnyaka ozayo.

Abebandla elitsha le ENDP laba, banxunsa abamabandla wonke ezombusazwe aphikisayo, ukuba amanyane lalo.

Ibandla le NDP libandla elabunjwa ngenyanga kaMpandula ngomnyaka ka 2013, labhaliswa okusemthethweni kunhlanganiso ebona ngezokhetho eye Zimbabwe Electoral Commission (ZEC) ngoZibandlela 2014.

Umkhokheli walo, uMnu. Thabani Tigere utshele intathelizindaba ukuthi bakubone kufanele babumbe elabo ibandla ukwenzela ukuqeda inhlupho zikazulu weZimbabwe nxa bengavotelwa babumbe uhulumende omutsha.

UTigere uthi wonke amanye amabandla angeke azilungisise inkinga ezikhona ngoba efana nje lelisembusweni elingaqakathekisi inhlelo ezisuthisa uzulu.

Phezu kwakho konke, uTigere ethi ungena kwezombusazwe,esabela kubizo alalo,ukusebenzela ukuthuthukisa isizwe seZimbabwe.

Inkokheli ye ENDP, ithi leli bandla lehlukile kwamanye, ngendlela ezinengi, lizoba lenhlangothi ezinhlanu, ezigoqela olwasebekhulile lolwenkolo ezehlukeneyo.

Lokhu kusitsho ukuba liyabe selizakwengezelela kwezivele zitholakala kiwo wonke amabandla, ezibalisa olomuntu wonke, olwabasakhulayo lolwabesifazane.

Aqhubeka ebunjwa lokuphawulwa ngokusemthethweni, amabandla ezombusazwe, sekucatshangelwa ukuba, ndawonye, esefika phose kumatshumi ayisithupha - 60.

Facebook Forum

XS
SM
MD
LG