amalinks wokungena

Breaking News

Kusungulwa Uhlelo Lokuphathisa Abesifazane Ezifundweni


Some Zimbabwe Teachers Embark on Nationwide Sit-in Labor Action

Lokhu kwenzakala ingcwethi kwezemfundo yaphezulu zikhuthaza inkokheli ukuba ziboqakathekisa ukutholiswa kwabesifazane imihlobo yonke yemfundo bethi ngoba kuphathisa ukuthuthukisa impilo yabo.

Ikolitshi eliphathisa abesifazane, iWomen’s University ithi izasungula inhlelo ezithiwa ngama “ Mobile Teaching Units ” kuyimizamo yokufinyelela bonke abesifazane labasemaphandleni ukuze bathole imfundo yaphezulu. Okunengi asikuzweni kunthathelizindaba yethu, uMarvis Gama eseHarare.

Lokhu kwenzakala ingcwethi kwezemfundo yaphezulu zikhuthaza inkokheli ukuba ziboqakathekisa ukutholiswa kwabesifazane imihlobo yonke yemfundo bethi ngoba kuphathisa ukuthuthukisa impilo yabo,kubenze bakhaliphe bavuleke inqondo.

U Dr Elizabeth Chikwira okhokhela uhlangothi olubona ngezokuhlelwa kwezifundo, u Dean of Studies e Women’s University in Africa uthi kuqakathekile ukutholisa owesifazane imfundo yaphezulu ngoba ukwenze njalo kuphathisa ukuthuthukisa isizwe.

UChikwira Lokhu kwenza benelise ukwenza inhlolisiso yabo njengesikolo sabesifazane, bazi indingeko zabo,bahlele izifundo zabo ngendlela ebavumela ukuphatheka kizo.

Unkosikazi Felistus Muswe ungowesifazane oleminyaka engamatshumi amathathu lasitshiyagalombili ( 38 ) ulengane ezine njalo elebhizimusi lakhe.

Uthi u Muswe,lanxa eseqhube lelibhizimusi okweminyaka eyisitshiyagalolunye ubengomunye wabazikhangelela phansi ethi usekhulile kakhulu angeke abuyele esikolo.

Kodwa uthi uthinthwa yinkulumo ka Dr Chikwira lapho athi usekubone kufanele abuyele esikolo ayezithuthukisa kwezemfundo yokusebenzisa imitshina yakulezinsuku yama computers kuwonalo umnyaka esingena kuwo kusasa.

Unkosazana Vivienne Marara ungu Co - ordinator enhlanganisweni ye Zimbabwe Association of Community Radio Stations ( ZACRAS ). UMarara uthi lanxa evumelana lalenkuthazo yokuba batholiswe amathuba abesifazane lamantombazane kundaba zemfundo,ubabeka umlandu wokungathatheli phezulu kikho konke nje empilweni ngoba betshedela muva bethi ngokwabesilisa lalapho abenelisa khona.

Inhlolisisiso sezinengi esezithe zenziwa ezikubeka sobala ukuba abesifazane ngempela bayasilela kakhulu kunhlelo zentuthuko yakho kikho konke. U Marara uthi lanxa iminengi imizamo uhulumende asethe wayenza iphelele ekubeni yinhlolisiso nje kuphela.

Umnumzana Loughty Dube ungowesilisa osehlezi kakhulu ephatha umsebenzi wokuthapha izindaba elizweni. UDube uthi linkuthazo kayingapheleli kuphela kungcwethi kwezemfundo kodwa yehle iyengena lakuntathelizindaba ziphatheke lazo kulomkhankaso ngokuba ngumzekeliso zona ngokwazo.

Lanxa imfundo inikeza amandla lenkululeko empilweni yomuntu, ingcwethi zithi lokhe bebalutshwana omama abayikhuthalelayo ngoba bezikhangelela phansi kakhulu bethi kungumsebenzi wabesilisa ukuyithola leyomfundo emqoka.
XS
SM
MD
LG