amalinks wokungena

Breaking News

Kusungulwa Uhlelo Lokuthanyela eMakokoba


Omunye wababo abakhulume emhlanganweni wezakhamizi zeMakokoba lekhansili yakoBulawayo.

Ikhansili yedolobho lakoBulawayo imanyane lezakhamizi zeMakokoba kwasungulwa uhlelo lokuhlanza ilokitshi leli okuthiwa yi #Asifuni Ngcekeza.

Ilokitshi leMakokoba koBulawayo libikwa kuyilo lodwa elingcole kakhulu umakuqathaniswa lamanye ngoba izakhamizi zilahla izibi mahlayana osekutshiye ikhansili lenhlanganiso yeEMA idideke ingqondo.

Ngolwesine inkokheli yezakhamizi zeMakokoba, ikhansili kanye lenhloko zezikolo ezilitshumi eziseMakokoba bahlangene koBulawayo bebonisana ngokuqeda lolu dubo.

UMnu. Nkanyiso Ndlovu obona ngokuhlanzeka kwedolobho ekhansilini, uthe uhlelo lolu baluqhuba ngaphansi kwendikimba ethi Makokoba #Asifuni Ngcekeza ngoba kulilokitshi elilembali enhle ngakho kumele lihlale lihlanzekile ukuze labazobuka idolobho bengabingelelwa yizibi.

NgoLwesihlanu bakhangelelwe ukuba lomhlangano omkhulu eStanley Square lapho abazahlangana lezakhamizi zonke beqala uhlelo lokuhlanzeka.

Umgciningcebo welunga leBulawayo Residents Association, uNkosikazi Rhoda Dlamini, uthe ubutshapha obuseMakokoba buyayangisa ngakhoke uhlelo abalucandayo lukhangelele ukukuqeda lokho .

Umgcinisihlalo weProgresive Residents Assocition, uMnu. Raymond Gombedza, uvumelane loDlamini ethe luhlelo oluhle njalo ubona ukuba abantu bazalu thakazelela ngoLwesihlanu.

Omunye wabaphathi bezikolo uNkosikazi Agnes Shoshore uthe lolu hlelo luhle ngoba abafundi labo bazaphatheka, kulethe ukuhlanzeka kunye lokudala imisebenzi kulabo abazadobha izibi.

Ngemva komhlangano lezakhamizi ikhansili iye kunkampani yeDavis Granite babona izivande zezisebenzi eTreger okuphekwa kutsha amaphepha eplastic lemavinkilini eZizwezonke Mall okulahlwa izibi bebabonisa ukuba izibi ziphathwa njani, zingumquba, zingagaywa kutsha zibumba impahla ezehlukene lokuthi izibi zilahlwa njani.

Idolobho leMakokoba lilokitshi elidala kakhulu kodwa ukulahlwa kwezibi mahlayana sekusenza lingabukeki kubelokuqhamuka kwemikhuhlane.

Facebook Forum

XS
SM
MD
LG