amalinks wokungena

Kusungulwa Ugwalondaba Lwe Africa Digital Magazine

  • Mavis Gama

Ophethe isigodlo seMelika kwele Zimabbwe uAmbassador Harry Thomas Jnr lababumbe ugwalondaba lwebulenjini.

Abanye abakhethwa ukungena kuhlelo lokuyafundela ukuthuthukisa ulwazi lwemisebenzi eyehlukeneyo kweleMelika olwe Mandela Washington Fellowship nyakenye, sebesungule indlela yokukhulumisana, yebulenjini, i-website, ethiwa yi-Sustainable Africa Digital Magazine.

Akade besembukisweni wabatholiswa usizo phansi kohlelo lwe Young African Leaders Initiative (YALI), baveze ukuba bathethe lelithuba ukuphawula okusemthethweni, i-website yabo, emkhosini owenzelwe eHarare ngempelaviki.

Omunye wabo nguMnu. Thubelihle Moyo, ongusomabhizimusi kwezokutholiswa kwempahla esebenza ngamandla avela elangeni.

Uthi sebekhona asebeqalile ukuloba okuphathelene lezokusetshenziswa kwendlela ezingelangozi, ezilondoloza imvelo, okubalisa ukusetshenziswa kwe biogas, osekukhona kulolugwalondaba lwakuqala, lwebulenjini.

UNkosazana Moroseira Monyai wase South Africa, usebenzelane lo Moyo njengosomabhizimusi njalo besungule bonke lolugwalondaba lwebulenjini ngemva kokuhlangana ekolitshini le Rutgers University kwele Melika.

Osomabhizimusi ababili laba bathi kunje sebeqalisile ukulungisa ugwalo loluhlu lwamagama, amankampani, izifundi, ingcwethi kanye lenhlanganiso ezisebenzisana lozulu, kwezokusetshenziswa kwendlela ezilondoloza imvelo, kumazwe akuzwekazi le Africa.

Facebook Forum

XS
SM
MD
LG