amalinks wokungena

Breaking News

Kusungulwa Uhlelo Kwezemidlalo Olwe Safe Sports


iphelelwe ngumphako iqembu leHarare city

Abaphatheke emidlalweni yeZone VI Volleyball Club Championships bake bafaka eceleni ezemidlalo bathola imfundiso mayelana lezehlakalo zokuhlukumezwa abangabhekana lazo kwezemidlalo kanye lengozi eyokusebenzisa izidakamizwa.

Uhlelo lwe Safe Sport luleminyaka emine lwasungulwa njalo inhlanganiso ezibalisa eye CAVB Zone VI, eye Zimbabwe Olympic Committee zisebenzisana kanye leye Norway Olympic Committee zilugoqele kumidlalo yalonyaka eye Zone VI Volleyball Club Championships eqhutshelwa edolobheni lako Bulawayo kulezinsuku.

Omunye walabo abafundisa abadlali labaqeqetshi ngengozi ababhekana lazo kwezemidlalo, uGeorge Nyange, oyisizalwane selizwe le Kenya uthi injongo yaloluhlelo ngeyokwabelana ulwazi ukuze ezemidlalo ziqhutshwe kungela muntu ohlukumezekileyo.

Limfundiso iqale ngemva kwenhlolisiso eyavumbulula ukuba banengi abadlali ababhekane lezehlakalo zokuhlukumezwa ezigoqela ukuthethiswa ngenhlamba, ukukhahlamezwa lokudlwengulwa kwezocansi njalo esakubonayo yikuba abadlali laba bamsulwa nje abalalo ulwazi yikho besekela ukuhlukumezwa kuqhubekela phambili.

Abanye njalo abaphatheke kunhlelo zokufundisa abadlali kumncintiswano we Zone VI Volleyball Club Championships ngabenhlanganiso ye World Anti Doping Agency abamelwe nguJonathan Ruwuya yena othi imfundiso ngengozi ezibhekane labadlali iyasilela.

"Esikuthole ngesikhathi siqhuba imfundiso kulimidlalo yikuba inengi labadlali lisebunyameni mayelana lengozi ababhekane lazo ngokusebenzisa izidakamizwa lokunye okungavunyelwa ukusentshenziswa ngabezemidlalo okuyinto engaphazamisa impilakahle yabo."

Okwamanje inhlanganiso yeWADA iqhuba izifundo nje kuphela phezu kwengozi yezidakamizwa lokunye okungavunyelwayo okusentshenziswa ngabadlali ukuze babe lamadlalbuzane kodwa uRuwuya uthe ngokuhamba kwesikhathi kweminye imidlalo efana lale bazaqhuba inhlelo zokuhlola abadlali ukuze kungabi khona abaqilibezelayo.

Kusungulwa Uhlelo Lwe Safe Sports
please wait

No media source currently available

0:00 0:02:11 0:00

Facebook Forum

XS
SM
MD
LG