amalinks wokungena

Kusungulwa Uhlelo Olwenza Kubelula Ukusebenzisa Imali eZimbabwe

  • Mavis Gama

Uhlelo lwe Swipe Into EcoCash lusungulwa eZimbabwe.

Eyinye yamankampani abomakhalekhukhwini, eye Econet Wireless, isisungule indlela entsha, ezosiza uzulu ukuba enelise ukususa imali ku-account yakhe eyebhanga eyisa esikhwameni seEcoCash esebenzisa imitshina yama Point of Sale, eye “SWIPE INTO ECOCASH”.

Emazwini akhe, emkhosini wokuphawula ngokusemthethweni lindlela yokususa imali ku-account yomuntu yiloba yiliphi ibhanga isiya esikhwameni sakhe seEcoCash, umqondisi we EcoCash, unkosikazi Natalie Javangwe Morris, uveze ukuba kuyindlela ezosebenza lamabhanga
akumanyano wabasebenzisana labe Ziswitch.

Bekulabantu abanengi kusungulwa uhlelo lwe Swipe Into EcoCash.
Bekulabantu abanengi kusungulwa uhlelo lwe Swipe Into EcoCash.

Obona ngezokukhankaselwa kwendlela yokusetshenziswa kukamakhalekhukhwini ukuthumela lokwamukela imali yeEcoCash, uMnu. Gordon Pemba, uthe yindlela elendleko eziphansi le kulalokho obekusenziwaekuqaleni, umuntu esusa imali yakhe ebhanga eyingenisa ku EcoCash.

Uzulu obekulomkhosi okubalisa uMnu. Lennox Mhlanga, wamukele.

Uthi le yindlela elunge kakhulu kuye ngalesi sikhathi uhulumende ekhuthaza uzulu ukusebenzisa indlela zakulezinsuku zokusebenzisa imali, ama electronic transfers loba iplastic money.

Ukunye okungenziwa kuhlelo lwe Swipe Into EcoCash ...
Ukunye okungenziwa kuhlelo lwe Swipe Into EcoCash ...

UMnu. Kudakwashe Mahonya, omabhizimusi wemzini we Kuwadzana 5 Shopping Centre, endaweni eyaziwa ngokuthi Pamuchakata, uthe bekunzima ukuthi abathengayo benelise ukusebenzisa imali yabo ngakho-ke ulethemba lokuba kuzoba nganeno khathesi.

Abe EcoCash bathi lokhu kuzakwenza uzulu asebenzise imali ngendlela ebalulakileyo.

Facebook Forum

XS
SM
MD
LG