amalinks wokungena

Breaking News

Iqembu leBosso Selilamakawuso Amatsha Athengwe Kwele China


FILE: Abadlali beqembu leHighlanders bethakazelela igoli elihlohlwe nguErick Mudzingwa.

Iqembu lomdlalo wenguqu eleHighlanders selethule okusemthethweni amakawuso elizawavunula lonyaka.

Amakawuso la alungiswe elizweni leChina njalo ayingxenye yosekelo iqembu leHighlanders eliluthola luvela enkampanini yeNetOne.

Iqembu leHighlanders beselidlale imidlalo emine lisebenzisa amakawuso inkokheli zaleliqembu ezithe ngawokugqoka nxa iqembu lizilolonga njalo lokhu besokudale inkulumo phezu kokuba izabuya yini imvunulo elombala wamawaba okuyiyo iqembu leHighlanders elidume ngayo.

Kuthe lalapho sekuvele imifanekiso yamakawuso lawa ebulenjini kwaba khona njalo abasola ukuba awalanhlonzi kodwa isiphathamandla seqembu leHighlanders uNhlanhla Dube uthi abalandeli bazazibonela ngeSonto isimo salemvunulo.

“Ngilethemba ukuthi ngeSonto nxa abalandeli beqembu sebebona kakuhle ngawabo amehlo kusemini ukuba abadlali babo babonakala ngaluphi uhlobo, bazakunanzelela ukuba bakhona abanye abalembono engafanani leyabanye. Yebo kwamukelekile lokho asingeke sonke sibone ngelihlo elifanayo kodwa kuqakathekile ukuba lathi sibonakale njengeqembu elihlelekileyo.”

Iqembu leHighlanders lithole usekelo oluvela kunhlanganiso yeNetOne ngemva kweminyaka embalwa lisebenzisana lenhlanganiso ye BancABC njalo uDube uthi abantu babofunda ukubonga ngoba kungela sekelo lolu aluba isimo sibucayi kuqembu leli.

“Sibonga kakhulu abeNetOne ngoba kuhle kabi ukuthi kungakhanyi izigwenxa, kungakhanyi izigamba njalo kungakhanyi ubuyanga phakathi kweqembu. Kuqakathekile ukuthi nxa sisola abasolayo sinanzelele ukuthi laba abasiphathisa ngosekelo lwemali zinengi kabi ezinye indawo abangaya kuzo ukuyodinga ubudlelwano.”

UDube uthe ensukwini ezilandelayo amakawuso azaqala ukuthengiselwa abalandeli beqembu njalo lawa awenkampani ye Roar azabe ethengeka ngcono kulalawo ababewasebenzisa kudala awe Adidas.

Facebook Forum

XS
SM
MD
LG