amalinks wokungena

Breaking News

Kuthunjwa Umdlali weDrama uSamantha Kureya Odume Ngegama Lokuthi Gonyethi


USamantha Kureya odume ngegama lokuthi Gonyeti

Abenhlanganiso ezilwela ilungelo loluntu baveze ukukhathazeka phezu kokuqansa kwenani labaqhubeka bethunjwa lokutshaywa kakubi ikakhulu labo abaphatheke kwezombusazwe lakunhlanganiso ezisebenzisana lozulu. Lokhu kuphuma ngemva kokuthunjwa komdlali wokulingisa yamadrama, uSamantha Kureya odume ngegama lokuthi Gonyethi.

Abomanyano wenhlanganiso ezilwela ilungelo loluntu owe Human Rights NGO Forum basanda kwethula umbiko wokusola lesi siga esesibhahile sokuthunjwa kwabantu mahlayana ngabacatshangelwa ukuba ngabezomvikela.

Umgcinisihlalo walumanyano uNkosazana Jestina Mukoko ongomunye owake wathunjwa wanyamalala okwensuku ezingamatshumi amabili lanye, uveze ukukhathazeka ngokwehlele uGonyeti.

Okudanisayo uMukoko uthi kwenzakala ngalinyanga kaNcwabakazi abayikhetha ukukhankasela ukuqedwa kokuthunjwa kwabantu.

Kodwa uthi bazaqhubeka ngemisebenzi yabo yokukhankasela ukuqedwa kwendaba eziphathelene lokuthunjwa lokuhlukunyezwa kwabantu elizweni.

Umqondisi wenhlanganiso elwela ilungelo lentathelizindaba eye Media institute of Southern Africa – MISA Zimbabwe umnumzana Tabani Moyo uthi okwenzakale ku Gonyeti kulihlazo elikhulu.

UMoyo uthi lokhu kuphambana lohlelo lokuguqula imithetho yezokwethulwa kwemibiko ngokukhululekileyo.

Okugcizelelwe langumqondisi wenhlanganiso yamalungelo oluntu eye #THIS CONSTITUTION unkosazana Abigail Mupambi.

Esinye isakhamuzi e Harare u Collins Ncube uthi wethuswe kakhulu yilesi sehlakalo.

Omunye wabasebenzisana lo Gonyeti ngesikhathi beqala ukwenza imidlalo yokulibazisa abantu ibahlekisa ama comedy, ongathandanga ukubethwa ngegama laye uveze ukukhathazaka ngokwehlele omunye wakhe.

Isikhulumeli samapholisa u Assistant Commissioner Paul Nyathi uveze ukuba eseye wayamangala emapholiseni uGonyeti, phezu kokumehleleyo yena labemuli yakhe.

Umsekeli kamphathintambo wogatsha lwezokwethulwa kwemibiko umnumzana Energy Mutodi wethule umbiko enkundleni yokuxhumana eyebulenjini eyeTwitter ekloloda ngalokho okwehlele uGonyeti.

Imizamo yokuthinta iziphathamandla zikahulumende yehlule lanxa abanye abanjengoMutodi sebezwakele bekhuluma ezikhundleni zebulenjini.

Abe MDC ekhokhelwa ngumnumzana Nelson Chamisa baveze ukuba sekuthunjwe kwahlukunyezwa abantu abedlula ikhulu lengxenye(162) phakathi kukamhla ka 16 kusiyafika umhla ka 21 kuyonale inyanga kaNcwabakazi.

please wait

No media source currently available

0:00 0:06:14 0:00

Facebook Forum

XS
SM
MD
LG