amalinks wokungena

Breaking News

Kuvulwa Indawo Zokwelapha Umkhuhlane Wemvukuzane koBulawayo


UDr. David Parirenyatwa okade esesibhedlela seMpilo ngoMvulo.

Uhlangothi lwesibhedlela seMpilo Central Hospital koBulawayo eselapha umkhuhlane wemvukuzane soluphinde lwavulwa ngemva kokuma ukusebenza ngomnyaka ka2009.

Lokhu kwamukelwe ngenjabulo ngabanengi abakade sebebanjwa ngamandla ukuyadinga usizo lokwelatshwa eHarare lasemazweni angomakhelwane.

Umphathintambo wezempilakahle, uDokotela David Parirenyatwa, uvule indawo ezimbili zokwelapha umkhuhlane wemvukuzane eMpilo Central Hospital ezibalisa iRadiotherapy le Nuclear Medicines kusetshenziswa umtshina okuthiwa yiLinear Accekerator wokutshisa imvukuzane esemzimbeni.

Umphathintambo wezempilakahle, uDokotela David Parirenyatwa, uvule indawo ezimbili zokwelapha umkhuhlane wemvukuzane eMpilo Central Hospital ezibalisa iRadiotherapy le Nuclear Medicines.
Umphathintambo wezempilakahle, uDokotela David Parirenyatwa, uvule indawo ezimbili zokwelapha umkhuhlane wemvukuzane eMpilo Central Hospital ezibalisa iRadiotherapy le Nuclear Medicines.

UParirenyatwa uthi imvukuzane yebele leyesibeletho yiyo esiqede abesifazana ngoba bephuza ukuzokwelatshwa ethi labobaba ivame ukubabamba ekungachithi kahle umthambiso njalo kuyabulala.

Omunye wabodokotela oyingcitshi yokwelapha imvukuzane okhokhlea uhlangothi lweNuclear Medicine eMpilo, uDr Xolani Ndlovu, uthe kulithuba elihle ukuthi kuvulwe izigaba lezi zombili.

Uthe iMpilo Hospital yacina ukuba lenuclear medicines ngo2003 izigulane besezithwalelwa eSouth Africa leIndia ukuba zithole lolusizo.

USenator Khutshwekhaya Ndlovu, ophila lomkhuhlane wemvukuzane, uthe uyabonga usizo lukahulumende ngoba sekuzakwehlisa inani labantu abayakwelatshwa eHarare lakwamanye amazwe ngoba ngempela uwabonile amaxhegu anjengaye eswela indawo zokulala esibhedlela seParirenyathwa.

Uthe ngitsho lomuyi owayengumsekeli kaMongameli, uMnu. Joshua Nkomo, wabhubha ekhala ngokuthi abantu abatholiswe usizo lokwelatshwa eduze.

Ucwaningo lokucina olwenziwa eZimbabwe mayelana lemikhuhlane emitsha yemvukuzane ngo 2014 lwaveza ukuba kulenkulungwane ezine zabantu ababalomkhuhlane lo ngomnyaka.

Udaba Esilethulwe NguNompumelelo Moyo
please wait

No media source currently available

0:00 0:04:28 0:00

Facebook Forum

XS
SM
MD
LG