amalinks wokungena

Breaking News

Kuvulwa Umngcele Wesine Phakathi kweZimbabwe leBotswana


Emngcele weRamokgwebana

Ukuvulwa komngcele wesine phakathi kweZimbabwe leBotswana sekwamukelwe ngenjabulo yizihambi ezithi inyathela leli lizakwehlisa ukuminyana emngceleni wePlumtree.

Umngcele weMlambapeli, ngezansi kwedolobho leGwanda uzavulwa mhlaka 1 Nkwenkwezi, usiba ngowesine phakathi kweZimbabwe leBotswana.

Eminye imngcele iseMatsiloje, Mphoengs kanye loyisiphithiphithi okudla yonke, owePlumtree.

Ukuvulwa komngcele wesine phakathi kwamazwe womabili kukhangelelwe ukwehlisa inani elisebenzisa ikakhulu umngcele wePlumtree.

Njalo kukhangelelwe ukuvulela ukuhamba kahle kwemphahla kanye labantu, okuzakwengeza ubudlelwano lezomnotho phakathi kwamazwe womabili.

AbeZimbabwe kweleBotswana sebelamukele inyathela lokuvula umngcele we Mlambapeli.

Umnumzana Mthabisi Khumalo uthi kuzanceda labo abavela emangweni efana leGwanda abakade besiyadlula koBulawayo bethatha imango emide njalo kudala ukuminyana emngceleni wePlumtree.

Siyakuthokozela ngoba kuba labantu abanengi emngceleni weRamokgwebana ikakhulu kulanda amakhefu. Njalo izanceda labo abayabe besiya endaweni zeGwanda

Kukanti umnumzana Castro Sibanda uthi kuzalamulela lalabo abayizihlobo nxazonke zomngcele ngoba sekuzabalula ukuvakatshelana. Uthi kuzakwengeza lobudlelwano bamazwe womabili.

“Kuyinto eqondileyo uma ukhangele izihlobo kungamazwe womabili, njalo kuzasiza ukuthuthukisa ubudlelwano phakathi kwamazwe womabili”

Kodwa utsho ukukhathazeka ngesimo somgwaqo esilakho ukuxotsha abahambi beqhubeke besebenzisa umngcele wePlumtreee.

Uhulumende weZimbabwe kumele abone ukuthi uyalungisa imgwaqo ngoba kuleyinye ihofisi emngceleni eyeMatsiloje kodwa ayisetshenziswa kakhulu ngenxa yesimo somgwaqo, ngakho sicela uhulumende ukuthi alungise indlela”.

Umphathintambo obona ngezokuhambisa eZimbabwe, umnunzana Joram Gumbo usethembise ukuthi umgwaqo obambanisa indawo ezifana lweGwanda kanye leMaphisa lomngcele omutsha, uzakwakhiwa kusikhatshana esifitshana esilandelayo.

please wait

No media source currently available

0:00 0:02:15 0:00
Lapho esitholakala khona

XS
SM
MD
LG