amalinks wokungena

Breaking News

KuWoza Friday Sileqembu le"Zwi leSiphelo"


Kuhlandla le Woza Friday liviki intathelizindaba uBenedict Nhlapho uxoxa labaculi beqembu lomdumo wokholo elizibiza ngokuthi “Izwi leSiphelo” ngedlalade labo elitsha elithi “Ngale Kwelanga”.

Kungenzeka ulele, usemtshoveni, usesibhedlela, loba uphakathi kokububhudla abeqembu le Zwi leSipheli bathi ngentambama yangolweSihlanu khumbula ukuthi umsindisi wakufela esiphambanweni.

Leli iqembu elibunjwe ngo 2011 liqale ukwaziwa ngedlalade elithi “Kuyosulwa Inyembezi”. Khathesike sebekhiphe elesibili elithi “Ngale kwelanga”.
Ezinye zengoma ezithinta umphefumulo kuleli dlalade kugoqela ethi “Sihole Jehova”, “Ngale kwelanga”, “Ngiyeza Nkosi” laleli elithi “Eloyi Eloyi”.

Lobanje zonke ingoma zabo zisuka emavesini asebhayibhilini, kuyacacake ukuthi iziginci lamachacho okusetshenzisiweyo kuxuxaniswe ngobuciko.

Iqembu leZwi leSiphelo likhokhelwa nguCaroline Silibaziso Ncube odabuka eSt Lukes ePlumtree. Uthi idlalde labo elitsha leli limupha intokozo kantike ubonga kakhulu uxhaso abalutholayo. Zimbilile izifiso zikaCaroline. Ufisa ukuthi bethole umuntu ongabaxhasa ngemali lokuthi bayefika phetsheya kolwandle beculela iNkosi.

please wait

No media source currently available

0:00 0:06:50 0:00
Lapho esitholakala khona
XS
SM
MD
LG