amalinks wokungena

Breaking News

Kuxoxwa Ngamasiko AmaNdebele Kwele Bhilithane


Nanku ukudla okutshiyeneyo okugoqela okwesintu.

Izizalwane zeZimbabwe ezihlala eBhilithane zibuye ngobunengo bazo emcimbini wokuvuselela amasiko lobuntu beSiNdebeleni owenzelwe eHastings kwele Ngilandi.

Umcimbi lo uqoqwe ngabe Bambanani Association abayinhlanganiso esebenza gadalala ukuvuselela amasiko lolimi lweSiNdebele. Bakhuthaze uzulu ukuthi ukuhlala ngaphandle kwelizwe akutsho ukuthi bakhohlwe lapho abavela khona.

Usikhwicamfundo uRalph Mguni, umqondisi walinhlanganiso, uthi, "... Besile Matabeleland Culture Day. Esikubonayo yikuthi iculture yakithi uma ingaswelakala uma ingafa there is an attack on our culture ilokuthi ubuntu bakithi bungabikhona. Isicelo esivela kithi esiqalisele lelilanga leCulture Day yikuthi abanye bakubone labo ngelihlo linye.”

Omunye obephatheke kulumcimbi ngumhlabeleli wembube odumileyo uLucky Moyo weZambezi Arts.

“Abantwana libakhangele futhi libakhulise ngendlela enhle ngoba sithola ukuthi abantwana basuka lapha bephambaniseke bethathe imikhuba yabanye abantu bengabikwazi ukuthi kanti imikhuba abafuze beyithathe ngeyesintwini evela eMatabeleland kumbe ngeyalapha, eyalapha bengayiqondisisi kodwa ungatshela ukuthi hayi amasiko abo asekhonapha kodwa imvelaphi yabo lemvelo yabo ingaphi, isesintwini.”

Bekubukiswa lokunye okutshiyeneyo okutholakala esintwini njalo okuyimvelo yaMaNdebele.”

NginguPhathi Mguni ngivela koBulawayo ngihlala eBrighton so ngingowe Phathi Mguni Arts coz ngirunner amaworkshops eBatique painting and drawing, so namhla kade siyenza iNdebele doll-making labantwana ngibafundisa ukuthi benze odoli ukuthi begqoke ngendlela esasigqoka ngayo kudala.”

Kwenziwe lomdlalo okhalise abantu abanengi omayelana lombhuqazwe oweGukurahundi ''Rain That Washes''. Umdlalo lo walotshwa ngomunye owasinda ekufeni uMnu. Christopher Maphosa.

“Imayelana ngesakubonayo ipersonal experience yami.Ibeyiproduction enhle abayithandileyo abantu babona isimo esasikhona ngasoneso skhathi bayibukile bayibukile abantu bathinteka kakhulu ngoba ikhombisa izenzakalo esazibonayo ngesikhathi sobunzima esabo Gukurahundi.”

Inengi labantu lithe lisuthiseke kakhulu ngalumcimbi njalo sebekhangelele umnyaka ozayo. Bakholise ukudla kwesintu, bafunde okunengi ngamasiko abo, ingoma zomdabuko njalo bathi labo bazaphatheka ekufundiseni abantwababo ngosiko lolimi lweSiNdebele, yibo phela ubuntu.

Facebook Forum

XS
SM
MD
LG