amalinks wokungena

Themba Mlotshwa: Kuyadanisa Okwenziwa yiZanu PF Emapulazini Abamhlophe

  • Mavis Gama

FILE - A farmer addresses a meeting of white commercial farmers in Harare, Zimbabwe, Feb. 5, 2010.

Omunye wasebaya ekuphumuleni kupentsheni owayengumqondisi wepulazi ngesikhathi kuthathelwa abamhlophe amapulazi kwele Zimbabwe uthi ukuthatha ngodlame amapulazi la yikho okwenza kubhidlike umnotho weZimbabwe lezokulima.

UMnu. Themba Mlotshwa, oleminyaka engamatshumi ayisikhombisa lasitshiyagalombili (78), odabuka esigabeni seMsengezi, uthi ulokhe ebuhlungu ngokwenzakala ngaleso sikhathi exotshwa yena labanye umsebenzi ilizwe lonke, okwenza ukuthi kudlike ezokulima.

Uthi lanxa seluvuselelwa loluhlangothi lwabaqondisa umsebenzi emapulazini, ama Farm Managers, akusafani lalokho obekusenzakala esikhathi sangemuva, uhulumende engakathathi umhlabathi.

Bona babefundiswa ngokujulileyo ukuba umuntu usetshenziswa kanjani lapha epulazini.

Useyakhele esigabeni seBanket ngemva kokuba esebenze kiso okweminyaka edlula engamatshumi amabili (22), waxotshwa kulelo pulazi ayelilondoloza, engu Farm Manager, kuthiwa abasadingakali abanjengaye.

Kodwa uthi, osekumjabulisa yikuba esekubonile ukuphosisa kwakhe, uhulumende, esezwisisa ukuqakatheka kwalaba bantu, sebedingwa ukuba baqhube umsebenzi wabo, lanxa ethi kungasafani langesikhathi yena labanye bakhe, bebengo Farm Manager.

Uhulumende kamongameli Robert Mugabe, le Zanu PF, uhluthune amapulazi abesezandleni zabelungu,ngenjongo yokuwanikeza kuzizalwane zakuleli, kwaxotshwa izisebenzi ezazisebenza kiwo.

Inengi labanikezwa lamapulazi, bebesehluleka ukuwalima ngokwaneleyo, kwabangela ukuswelakala kokudla elizweni le Zimbabwe.

Facebook Forum

XS
SM
MD
LG