amalinks wokungena

Breaking News

Kuyadlondlobala Ukulwisana KuZanu PF


Zanu PF
Zanu PF
Ibandla leZanu PF likhangelelwe ukuhlangana ngeviki ezayo lihlaziya ukulwisana lokudonselana okukhanya kudlondlobala phakathi kwamaxuku amabili elikhokhelwa nguNkosikazi Joyce Mujuru lelikhokhelwa nguMnu Emmerson Mnangagwa.

Ukudonselana lokhu kuphume sobala kukhetho lokudinga inkokheli yezabelo eManicaland leMidlands lapho okunqobe khona amalunga acatshangelwa ukuthi asekela uMujuru.

Ababikwa besekela uMnangagwa banqotshiwe njalo bathi bafuna impumela yalolukhetho yesulwe ngoba besithi kube lokuqilibezela okukhulu.

Lanxa isisekelo sombuso weZanu PF sisithi uMujuru nguye omele ethathe intambo nxa uMugabe engatshiya isikhundla, uMnangwagwa laye ukhangele lesisikhundla ngamehlo abomvu.

Ukuhlaziya loludaba sixhume ingcwethi kwezombusazwe uDr Brilliant Mhlanga yena othi ukuxokozela kuZanu PF khona kusazokhula ngamandla nxa sokudingwa inkokheli yezinye izabelo.
XS
SM
MD
LG