amalinks wokungena

Breaking News

‘Iyajabulisa Indlela Ama Warriors Adlale Ngayo Kumncintiswano weCOSAFA Cup’


Bathabe okumangalisayo abafana beqembu leWarriors.

Umsekeli kamqeqetshi weqembu elimmela isizwe emdlalweni wenguqu elamaWarriors, uBongani Mafu ngomunye wabajabuliswe yindlela iqembu leli elidlale ngayo lapho linqoba eleZambia okwenze iZimbabwe iphakamise inkezo yeCOSAFA okwesihlanu.

Iqembu leZimbabwe linqobe eleZambia nge 3-1 ngemva kokuba umgadli, uKnox Mutizwa, odlala ephikweni, uTalent Chawapiwa kanye lovimba esandleni sonxele, uOcean Mushure betshayele emambhuleni.

Ukunqoba okwenziwe ngamaWarriors, ephakamisa inkezo yesihlanu ye COSAFA, kujabulise kakhulu Umsekeli kamqeqetshi uBongani Mafu.

“Sijabulile ngoba yinto esiyisebenzele kakhulu ngoba sihlanganise ithimu ngesikhathi esincane, njalo baziphathe ngendlela ethokozisayo.”

Iqembu leWariors linqobe eleZambia ngeSonto.
Iqembu leWariors linqobe eleZambia ngeSonto.

UMafu uthi ujabuliswe yindlela uMutizwa, owadlala ngaphansi kwakhe kuqembu leHighlanders, adlale ngayo.

“UKnox ngumdlali omuhle kakhulu, yimi engamtshintsha ukudlala ephikweni ngamenza umgadli, ngijabulile ngakwenzileyo.”

UMutizwa ukhethwe njengomdlali odlale okudlula bonke ku nkezo yeCOSAFA kukanti ukhaphutheni, uOvidy Karuru nguye oqede elamagoli amanengi, etshayele emambhuleni kahlanu.

Umqeqetshi uSunday Chidzambwa nguye oselenkezo ezinengi zeCOSAFA elezinthathu njalo engakaze elahlekelwe ngumdlalo kulenkezo.

Inkulungwane lenkulungwane zabeZimbabwe zibukele umdlalo lo eRoyal Bafokeng Sports Palace, edolobheni leRusternburg kusifundazwe seNorth West kweleSouth Africa.

Udaba lokunqoba kwamaWarriors ethatha inkezo yeCosafa siluphiwa nguMartin Ngwenya
please wait

No media source currently available

0:00 0:01:39 0:00

Facebook Forum

XS
SM
MD
LG