amalinks wokungena

Breaking News

Kuyaqhela Ukwephulwa Kwelungelo Loluntu eZimbabwe - HRW


Inhlanganiso ezizimeleyo sezikhuthaze inhlanganiso yeSadc ukuthi iphathe udaba lweZimbabwe ngokuqotho emhlanganweni ozakwenzelwa eAngola ngeviki ezayo ngoba ukwephulwa kwelungelo loluntu kuqhubeka kusiba kubi.

Encwadini eyilobele umabhalane weSadc uMnu Tomaz Salomao, iHuman Rights Watch ithi ukwephulwa kwelungelo loluntu kuyaqhela emazweni asezansi yezwekazi leAfrica agoqela iZimbabwe, Malawi, Swazilanda leAngola.

Imbono le ivezwe njalo yinhlanganiso yezinkonzo ezitshiyeneyo ezansi yeAfrica iFellowship of Christian Councils in Southern Africa embikweni ewethule ngoLwesithathu eJohannesburg.

NgoLwesibili iAmnesty International layo ithe ikhathazeke kakhulku ngokuhlukuluzwa kukazulu mahlayana ngabezomvikela eZimbabwe.

NgoLwesine iqula likaMongameli Jacob Zuma weleSouth Africa likhangelelwe ukuya eZimbabwe ukuyakhulumisana logatsha lweJomic.

Ukuhlaziya loludaba sixhume ingcwethi ecubungula ezombusazwe uMnu Mlamuli Nkomo yena otshele uNtungamili Nkomo weStudio 7 ukuthi afiphele amathuba okuthi iSadc ingalulungisisa udaba lweZimbabwe.

Okuhambelana lalokhu

XS
SM
MD
LG