amalinks wokungena

Breaking News

Kwenzakalani Ngalimpelasonto Kwezemdilalo


Iqembu leHighlanders lidliwe emdalweni odlalwe ngoLwesine. Lizakwenzani kumncintiswano weSuper Power Cup?
Iqembu leHighlanders lidliwe emdalweni odlalwe ngoLwesine. Lizakwenzani kumncintiswano weSuper Power Cup?

Umncintiswano we Supa Power Cup uqoqwa yinhlanganiso yeJoy Foundation njalo uzangenwa ngamaqembu amane abalisa amabili awase Zimbabwe athi ele Dynamos lele Highlanders, kanye lamabili awaseBotswana abalisa iMochudi Centre Chiefs kanye le Taffic.

Isiphathamandla senhlanganiso ye Joy Foundation uJoy Setshedi uthi injongo yalimidlalo ngeyokudinga imali eyokwakha indawo ezokudlalela imidlalo etshiyeneyo kulumkhono wezwekazi lase Africa.

Uthe baqhuba inhlelo ezokuthuthukisa ezemidlalo emalokitshini akwele Botswana kanye laselokitshini lase Soweto kwele South Africa njalo bakhangelele ukuba umnyaka uthi usiyaphela sebengenile lasemalokitshini akwele Zimbabwe.

USetshedi uthi yena iqembu le Highlanders lele Dynamos bawameme ngoba engamaqembu alandelwa ngabantu abanengi kwele Botswana.

"Kwelakithi elase Botswana amaqembu athi ele Dynamos kanye lele Highlanders ngamaqembu esiwakhengelela phezulu kakhulu yikho limidlalo izakupha ithuba amaqembu akithi ukuba afunde okuthile kiwo."

Kulemidlalo eminengi ngempelaviki.
Kulemidlalo eminengi ngempelaviki.

Limidlalo ihlelwe ukuba idlalelwe edolobheni le Francistown ngempelaviki ka 19 lo 20 Ncwabakazi njalo iqembu le Highlanders lizadibana lele Mochudi Centre Chiefs kuthi ele Dynamos lizangqikilana lele Taffic kuthi azaphumelela azadibana kufinal.

Kulenhlelo ezokuthi abalandeli kube yibo abakhetha abadlali abazaqala ukudlala njengalokhu okwenziwa kunkezo ye Carling Black Label lapho abalandeli bamaqembu athi ele Kaizer Chiefs kanye lele Orlando Pirates okuyibo abavota bekhetha abadlali abafuna bebamele.

USetshedi uthe amaqembu wonke azaphatheka kumidlalo yalonyaka azathola inkulungwane ezilikhulu lamatshumi amahlanu zamaPula kuthi abadlali bazathola inkulungwane ezinhlanu zamaPula ngamunye.

Limali izahle iphiwe amaqembu labadlali bengakayi kuyaphatheka kumncintiswano we Supa Power Cup kubalekelwa lokhu okwenzakala ngomnyaka ka 2012 lapho amaqembu akwele Botswana aphatheka kuwo athwala nzima ukuthola imfanelo zawo.

Sikhangele ukuba imidlalo yesigaba seCastle Lager Premier Soccer League izadlalwa njani kulimpelaviki.

NgoMgqibelo iqembu le Bantu Rovers lizemukela ele FC Platinum ngase Luveve, iqembu le Tsholotsho lizadlala lele How Mine ngase Dulivhadzimo, iqembu le ZPC Kariba lizemukela ele Yadah ngase Nyamhunga kuthi iqembu le Harare City lizadlala lele CAPS United ngase Rufaro.

NgeSonto iqembu le Shabanie Mine lizemukela ele Highlanders ngase Maglas, ele Dynamos lizadlala lele Triangle ngase Rufaro, ele Chicken Inn lizemukela ele Bulawayo City eLuveve, iqembu le Chapungu lizadlala lele Black Rhinos ngase Ascot kuthi iqembu le Ngezi Platinum Stars lizangqikilana lele Hwange ngase Baobab.

Ezemidlalo siloJoseph Njanji
please wait

No media source currently available

0:00 0:02:43 0:00
XS
SM
MD
LG