amalinks wokungena

Breaking News

Kwenziwa Ukhetho Lokudinga Umongameli Kwele Kenya


Bavote ngoLwesibili abantu beKenya.

Kwenziwa ukhetho oluqakathekilayo lamuhla lokudinga umongameli weKenya labazamela idale lephalamende. Uzulu ukhetha phakathi kokade engumongameli, uMnu. Uhuru Kenyatta, lompikisayo okumangalisayo, uMnu. Raila Odinga.

UMnu. Kenyatta walahla phansi uOdinga kukhetho olwenziwa ngomnyaka ka2013 kodwa kukhanya isikhwili sokuncintisana kasiphelanga phakathi kwababili laba. Lonyaka akuzange kubelodlakela kangako lungakenziwa ukhetho lolu oluqhutshwa kusetshenziswa okuthiwa yi-biometric voter identification le electronic vote transmission.

Lokhu kwehlula ngomnyaka ka2013. Abantu abafika izigidi ezingamatshumi amabili – 20 million – balelungelo lokuvota kukhetho lolu.

UNkosazana Grace Gaithiga wakwele Kenya, utshele iVOA Studio 7 ukuthi ukutshenziswa kwemitshina yebiometric voting inceda okumangalisayo.

“Okwamanje ngikhuluma lapho engikhona akula ndwendwe ngoba kuthatha isikhathi esifitshane ukuthi umuntu angene lapho okuvotelwa khona abesehlolisiswa ukuthi ulengwalo bani. Kusetshenziswa lezinye izitho zomzimba ezinjenge minwe ukuthi kwaziwe ukuthi umuntu ngubani.

“Lokhu ngokokuqala ukuthi sisebenzise imitshina le eyehlula ngomnyaka ka2013.”

UMnu. Kenyatta wanqoba uMnu. Odinga ngalowo mnyaka kodwa wathi uzabonana laye lonyaka.

Facebook Forum

XS
SM
MD
LG