amalinks wokungena

Breaking News

Kwesatshelwa Ukuthi Kungaba Lokusilela Kokunye Ukudla Ezitolo


Laloba uhulumende ngenyanga kaMbimbitho ekewamisa, okwesikhatshana, kodwa waphinda wavumela ukungeniswa kokudla okufana lenyama yengulube, inyama yenkomo yemagabheni,uchago,lezinye izinto ezilungiswa ngochago kanye lokudla kwezifuyo okuvela kwamanye amazwe, kwesatshelwa ukuthi kungaba lokusilela kokudla ezitolo.

Iphephandaba leHerald libike ukuthi uhulumende ubevimbe ukungeniswa kokudla lokhu kuvela emazweni angomakhelwane ikakhulu kweleSouth Africa ngoba bekusesatshelwa ukuthi kungaqhamuka umkhuhlane weRift Valley Fever ohlasela abantu uvela enyamazaneni zendle kumbe izifuyo.

Ezitolo zeHarare kubikwa kulokusilela kochago, icheese, lebutter, kodwa ukudla lokhu kuyatholakala kwezinye izigaba zelizwe.

UMnumzana Clemence Sibanda yingcwethi ecubungula ezenotho. USibanda utshele uBrenda Moyo weStudio 7 ukuthi koBulawayo ukudla kugcwele ezitolo sokusiya ngemali yomuntu esikhwameni.

XS
SM
MD
LG