Umphathintambo obona ngezabatsha lentuthuko yabensundu kwezamabhisimusi uMnu Saviour Kasukuwere utshele abamabhanga abalisa iBarclays kanye le Standard ukuba baphume eZimbabwe nxa bengafuni ukulandela umthetho wokunikeza amankampani kuzulu.
Lokhu kuphume emkhosini kahulumende wokuphawula okusemththweni isikhwama semali engangezigidi ezedlula ezilitshumi zamadollar-$11 million ese “Old Mutual Youth Development Fund”. Kubika intathelizindaba yeStudio 7 uMavis Gama.
Kunjalo nje, ingcwethi kwezombusazwe, uMnu. Brilliant Mhlanga utshele uChris Gande weStudio 7 ukuthi nxa uhulumende engaphumelela ukuxotsha amabhanga la elizweni kuzakwethusa abafuna ukuzosungula amabhizimusi elizweni.