amalinks wokungena

Breaking News

Kwezabahlala Emazweni Sixoxa loMnu. Mihlakayifani Ndabambi Ndlovu


Mihlakayifani Ndabambi Ndlovu
Mihlakayifani Ndabambi Ndlovu

Kuhlelo lwethu lapho esikhuluma khona lezizalwane ze Zimbabwe ezihlala kwamanye amazwe, sixoxe loMnu. Mihlakayifani Ndabambi Ndlovu obevakatshele kwele Melika kodwa yena edabuka eZimbabwe.

UNdlovu uthi kulomehluko omkhulu kakhu kundlela abantu beMelika azaziphatha ngayo.

Kutsho uNdlovu: “Kulomahluko omkhulu sibili okokuthi angazi ukuthi ngingaqala ngaphi. Usukela emgwaqweni, imigwaqo yakhona iyamangalisa, ukhangele le technology yakhona, ukhangele lezimota, ukhangele indlela nje umuntu amele aziphathe ngayo nxa esesigabeni.”

UNdlovu uthi kukhanya abantu beMelika belithanda ilizwe labo njalo bezimisela ngalo njalo belenhlelo abalazo.

“Ngoba ungakhangela bakhanyakala nxa besenza into zabo bakhanya belombono owakusasa, nxa kuvulwa imigwaqo benza imigwaqo emikhulu, nxa besakha izakhiwo zabo zinkulu, lemithetho bayenza enzima kodwa eyenza impilo yakho uyihlale kuhle,” kutsho uNdlovu.

Uthi okunye okumangalisayo yikuhlanzeka kwedolobho le Washington DC ngoba awuboni nhlabathi kumbe iphepha emgwaqweni.

please wait

No media source currently available

0:00 0:03:56 0:00

XS
SM
MD
LG