amalinks wokungena

Breaking News

LaseBhilitane Abasekeli BeMDC-T Badaniswa Yikudonselana Amandla Okusebandleni


Kubangwa isikhundla sikaMnu. Morgan Tsvangirai.

Abanye abasekeli bebandla leMDC-T abahlala kweleBhilithane bathi ngeke besabuyela ekhaya ukuyavota ngoba betshaywe inhliziyo ludlakela oluqhamuke phakathi kwalelibandla kumalanga edluleyo kanye lokulwisana kwenkokheli yalo ibanga izikhundla.

Ingxabangxoza lodlakela kubandla leMDC-T kuqhele ngemva kokubhubha komkhokheli webandla uMnu Morgan Tsvangirai sokuphikiswana ukuthi ngubani okumele athathe isikhundla sakhe.

Ukulwisana lokhu kuyaqhubeka sikhuluma nje phakathi kukaMnu Nelson Chamisa loNkosazana Thokozani Khupe. Abasekeli baleli bandla kweleBhilithani bathi lokhu kuyadanisa kakhulu. Omunye wabo nguMnu Douglas Sibanda.

“Mina ngihlala lapha eUK, into eyenzakala kuMDC ibuhlungu kakhulu nxa ngiyikhangele. Ngiyakubona ukuthi abantu laba into asebeyenza benza into uNkomo ayenziwa nguMugabe yinto asebeyenza oWelshman laboKhupe futhi khathesi kuMDC.

Bengimuntu sibili ngizilungiselele, ngahamba ekhaya ngayaregister ukuvota kodwa hayi ngcono ngekele even ngingaze ngihambe ngizavotela iZanu kanti ngizathini. I have nomore faith kuMDC ngendlela abatribalist ngayo.

Asisoze sikukwanise ukubelokhu sihlukunyezwa ngabantu sikhangele. Into ekhona yikuthi how can we vote for umuntu esimbona ukuthi vele kahloniphi iconstitution yeparty yakhe, uzahlonipha njani iconstitution yelizwe. Ezinye izinto siyazenza kodwa sizenza sikhangele. Sizamfaka umfana lo asihlukumeze kakhulu not kancane, hayi sorry sorry Mina l have changed my mind angisayi ukuyavota,” kutsho uSibanda.

UMnu Nkululeko Mugadza ungomunye njalo wabasekeli beMDC-T eNgilandi. Uthi uthandazela ukuthi ibandla lakhe lingadabuki phakathi

“Njengabalandeli beMDC lami ngingumlandeli weMDC khonalapha eUK ngilesifiso sokuba inkokheli zebandla leMDC ziyalungisa ukungaboni ngasolinye kwabo, bakulungise ukuze ama elections balungiselele ama elections iMDC ibambene, iunited, kuyiMDC esiyaziyo.

Isifiso sami esikhulu yikuthi kungacini mhlawumbe bacine besehlukana, ngoba kunje siyabathanda, siyazithanda inkokheli zethu okugoqela uThokozani Khupe kanye loChamisa, njengami ngibona kungaqondanga ukuthi kuze kufike ezinengeni lokuthi omunye lomunye ecina esekhetha ukuthi uthandabani kakhulu or kulobani.

Sifisa ukuthi basebenzisane ndawonye, sibathanda bendawonye, kube iMDC Ibambane. Mina nginje lami ngilungiselela impela ukuthi ngiyahamba ekhaya ngiye vota ngaregister,” kutsho uMugadza.

UNkosazana Chipo Masvanhise yena uthi usekhalele lokubuyela ekhaya ukuyavota.

Kutsho uMasvanhise: “Ubudlwangudlwangu obenzakala eMDC sebuhle bangi phutha off, angisafuni lakuyibona nje, sesizayekela ukuvota, iZanu izaziwinela.”

Abasekeli beMDC-T abanengi abakhulume leStudio 7 eBhilithane bathi ukulwisana okukhona kulelibandla kuzakwenza linqotshwe ngendlela eyangisayo libandla leZanu PF.

please wait

No media source currently available

0:00 0:03:15 0:00

Facebook Forum

XS
SM
MD
LG