amalinks wokungena

Breaking News

ZEC: Sesinike iLaxton Group i$3,7 Million Yokuthenga Imitshina Yokubhalisa Abazavota Kukhetho


Abalandeli bebandla leZanu PF.

Ikhomishini yeZimbabwe Electoral Commission (ZEC) ithi isithole izigidi eziyisikhombisa lengxenye - $7,5 million – yokuthenga imitshina yokubhalisa abantu kugwalo lokuvota.

UNkosikazi Rita Makarau, umgcinisihlalo weZEC, utshele umsakazo weVOA Studio 7 ukuthi sebenike inkampani yeLaxton Group yakwele China izigidi ezintathu lengxenye yamadola eMelika - $3,5 million ukuthi bathenge imitshina le.

UMakarau uthe bazanika inkampani le imali yonke nxa ingathenga ibanike imitshina le abayifunayo. Inkampani le yanikwa imvumo yiState Procurement Board ukuthi ithengele ikhomishini le imitshina yokubhalisa abantu kugwalo lokuvota.

UMakarau uthe kukhangelelwe ukuthi bazaqalisa ukufundisa abantu abangamatshumi ayisitshiyagalolunye (90) ukusebenzisa imitshina le kuthi-ke labo bafundise abanye ezabelweni zonke zelizwe.

Uthe konke lokhu kuzakwenziwa ngesikhathi sinye ukwenzela ukuthi baqede ukubhalisa abantu ngesiphangiphangi.

IZEC ikhangelelwe ukuthi izabhalisa abantu abayizigidi eziyisikhombisa – 7 million – abakhangelelwe ukuthi bazavota kukhetho ngomnyaka ozayo.

Facebook Forum

XS
SM
MD
LG