amalinks wokungena

Breaking News

Lidlale Kuhle eleZimbabwe Kumncintiswano weRobotics eMelika


Iqembu leZimbabwe Robotics
Iqembu leZimbabwe Robotics

Uzulu weZimbabwe setshayele ihlombe iqembu elimele ilizwe kumncintiswano weFirst Global Challenge ophele ngoLwesibili eWashington DC kweleMelika.

Umncintiswano lo ngowabantwana besikolo abakuzinga leSecondary ojonge ukubakhuthaza ukuthi bathakazelele izifundo zeScience, iTechnology, Engineering leMathematics (STEM).

Lanxa eleZimbabwe lingaphumanga lasicoco, lidlale kuhle okumangalisayo lanqoba emidlalweni yalo emihlanu phakathi kweyisithupha.

Libambisane lamanye amazwe, eleZimbabwe liwise amaqembu amela amazwe athuthukileyo agoqela eleMelika leleRussia.

Phakathi kwamazwe alikhulu elilodwa lamatshumi amahlanu lasikhombisa, iZimbabwe iqede umncintiswano lo ilemiklomelo edlula kancane elikhulu, 116, njalo ihlezi kuzinga lamatshumi amahlanu lasithupha.

please wait

No media source currently available

0:00 0:04:10 0:00

Umncintiswano lo ubungowokusebenzisa amarobots ukwehlukanisa okungamabhola okuthize okumela amanzi ahlanzekileyo langcolileyo.

Isiphathamandla senhlanganiso yababalisi iZimta uMnu Sifiso Ndlovu uthi bayaziqhenya kakhulu ngendlela abantwana laba abatshengise ubungcitshi babo ekusebenziseni amarobots.

“Sindanda ukutshayela ihlombe labo bafundi ngomsebenzi omkhulu ongaka wokuphakamisa isizwe betshengisa ubungcitshi njalo befakaza ubunotho bezemfundo eZimbabwe,” kutsho uMnu Ndlovu.

UNdlovu ukhuthaze njalo uhulumende ukuthi eqinise izifundo zamaSciences ezikolo njalo abafundi batholiswe konke abakudingayo.

Isizalwane seZimbabwe esihlala khonapha eMelika uMnu Muzobanzi Ncube laye utshayele iqembu leZimbabwe ihlombe.

“Into abayenzileyo siyayincoma kakhulu. Babuyile bamela ilizwe lethu kuhle kakhulu banqoba amaRussians lamaAmericans,” kutsho uMnu Ncube.

NjengoNdlovu, uNcube laye ukhuthaze uhulumende ukuthi ethuthukise ezemfundo ukuze abantwana baqphumelele ezifundweni zamanani leScience.

Iqembu leZimbabwe belilabadlali abayisitshiyagalombili abavela kumaHigh Schools atshiyeneyo labaqeqembi ababili ababalisa uNkosazana Aretha mare loCharles Matanga.

Iqembu elinqobe laqeda lisesiqongweni ngebelimela izwekazi leEurope lona elithole inkezo yegolide. ElePoland liqede lihlezi kuzinga lesibili njalo lithole isiliva kwathi eleArmenia belikuzinga lesithathu lathola ibronze.

Ngomnyaka ozayo umncintiswano lo uakwenzelwa kweleMexico.

XS
SM
MD
LG