amalinks wokungena

Breaking News

Alusozwe Ludilizwe Uhlangothi LweBAZ - Charamba


Uhlangothi olubona ngokunikezwa kwemisakazo amalayisensi olweBroadcasting Authority of Zimbabwe lubunjwe ngokusemthethweni njalo idale lephalamende alilamandla okulubhidliza, kutsho isikhulumeli sikaMongameli Mugabe uMnu George Charamba.

Idale lephalamende livumelene ngeviki edluleyo ukuthi uhlangothi lolu alubunjwanga ngemfanelo, ngalokho kumele ludilizwe.

Kodwa uCharamba uthi lelidale alilamandla okwenza lokhu, esithi imithethwandaba lenkokheli kahulumende yiyo yodwa elamandla okuluxukuxa.

Umphathintambo obona ngokwethulwa kwemibiko uMnu Webster Shamu ubikwa ekhethe amanye amalunga alolugatsha ngaphandle komthetho.

Kodwa uCharamba uthi uShamu wenze lokhu ngemva kokuba umlawuli wedale lephalamende uMnu Lovemore Moyo ehlulekile ukumupha amabizo alabo idale leli ebelifuna bangene kulolugatsha.

Imizamo yokukhuluma loMoyo ngaloludaba yehlule.

IBroadcasting Authority of Zimbabwe iphe imisakazo emibili elobudlelwani leZanu PF amalayisensi okusakansa kumaviki edluleyo, okuyinto ecunule kakhulu uzulu.

XS
SM
MD
LG