amalinks wokungena

Breaking News

Linqotshwa Okuyangisayo Iqembu leZimbabwe Emdlalweni kaKhilikithi


Cricket Chevrons.
Cricket Chevrons.

Iqembu labesilisa elimela ilizwe emdlalweni kakhilikithi linqotshwe ngama wickets ayithoba minwe mbili emdlalweni wesithathu njalo ungowokucina wohlobo lwe Twenty20.

Iqembu le Zimbabwe yilo eliqale ukutshaya ibhola lathola ama runs alikhulu lamatshumi amabili lathoba munwe munye kuma overs alo angamatshumi amabili njalo belilahlekelwe ngabadlali abayithoba munwe munye.

Ukaputeni weqembu le Zimbabwe uChamu Chibhabha nguye othole ama runs athe xaxa njengoba ethole angamatshumi amathathu lanye (31).

Intathelizindaba yezemidlalo uNash Mkokwayarira uthi kusese lohambo olude ngokuqina kweqembu likaChibhabha.

“Ngokubona kwami kunengi okumele kulungisiswe kuqembu elimela ilizwe emdlalweni kakhilikithi elama Chevrons lona elitshaywe nge 3 ka nya ngele Pakistan. Ungakhangela umdlali o njengo Chamu Chibhabha indlela adlale ngayo kumidlalo le ikutshiya ulembuzo ukuba ukhethwe njani ukuze abe ngukaputeni weqembu okukhomba ukuba kukhona okungahanjiswa kuhle ekukhetheni abadlali beqembu lesizwe.”

UDonald Tiripano ngomunye umdlali othole ama runs athe xaxa njengoba eyenelise angamatshumi amabili lathoba minwe mbili.

Impumela yomdlalo wanamhlanje itsho ukuba iqembu le Zimbabwe linqotshwe nge 3 ka nya kumncintiswano we Twenty20 njengoba linqotshwe lasemidlalweni emibili eyakuqala.

Emdlalweni wakuqala iqembu le Zimbabwe linqotshwe ngama wickets ayisithupha kuthi emdlalweni wesibili linqotshwe ngama wickets ayithoba minwe mbili.

Kumncintiswano wemidlalo ye One Day International iqembu le Zimbabwe linqotshwe nge 2 ka 1 njalo ngokunqoba elikwenze kumdlalo owodwa lithole imiklomelo elitshumi njengoba imidlalo le isentshenziswa njengomncintiswano wokudinga amaqembu azakuyadlala kumncintiswano wezizwe zomhlaba ozaqhutshelwa elizweni lase India ngomnyaka ka 2023.

Ezemidlalo siziphiwa nguJoseph Njanji
please wait

No media source currently available

0:00 0:02:08 0:00
XS
SM
MD
LG