amalinks wokungena

Breaking News

Liphuma Lendaba, Litshone Lendaba: Sikhangela Ezemfundo eBinga


Kuliviki siphatha ezemfundo esabelweni seBinga sikhangela ukufundiswa kolimi lwesiTonga ezikolo zemfundo yaphansi, amaPrimary Schools.

Abantu bakulindawo bajabule kakhulu ngokupasa kwabantwana nyakenye kulandela ukuvuma kukahulumende ukuthi lolulimi lufundiswe kusukela kuGrade 1 kusiya kuGrade 7.

IsiTonga siqale ukufundiswa kumaPrimary Schools ngo2005 njalo bekufundiswa oGrade 1 kusiya kuGrade 3 kuphela. Kodwa kathesi solufundiswa luyephutsha kuGrade 7.

Kulendimi ezinengi ezingafundiswayo elizweni ezigoqela isiKalanga, Vhenda, Nambya, Chewa, Sotho lezinye njalo abazikhulumayo bathi bafuna zifundiswe ePrimary.

Ulimi lwesiTonga lona lubikwa lulakho ukuqala ukufundiswa ezikolo eziphezulu, amaSecondary Schools ngomnyaka ozayo, kuveze ummeli weBinga edale lephalamende uMnu Joel Gabhuza.

Lalela ingxoxo yethu loMnu Gabhuza kuhlelo Liphuma Lendaba, Litshone Lendaba.

Nxa lifuna ukuxhumana lathi lingasithumela i e-mail kukheli ethi studio7@voanews.com. Lingathumela njalo itext message kunombolo ezithi 001 202 465 0318.

Okuhambelana lalokhu

XS
SM
MD
LG