Kuliviki sikhuluma lomprofeti othi wenelisa ukukhipha imikhoba eyayisihluphile emzini weNtumbane koBulawayo.
Imikhoba le yayi ngekaMnu Malibeni Mhlanga yena othi wanikwa umuthi wamabele lenotho yinyanga kuminyaka edluleyo, wamsebenzela lowomuthi inkomo zadlana uboya esibayeni.
Kodwa ngokuya kwesikhathi umuthi lo waphenduka waba yimikhoba eyaseyisiya emacansini lomkaMhlanga kanye labesifazana babomkhelwane bakhe emzini weNtumbane.
Ontikolotshi laba besebehluphile kakhulu baze bakhitshwa nguSiziba, yena othi waqala ukwelapha ekuGrade 2 njalo eleminyaka eyisikhombisa.
Lalela ingxoxo yethu loMnu Siziba kuhlelo Liphuma Lendaba, Litshone Lendaba.
Abalakho abafuna sikhulume ngakho kuloluhlelo, thumelani incwadi ye-email kukheli ethi studio7@voanews.com. Lingathumela njalo itext message kunombolo ezithi 0012024650318.
