amalinks wokungena

Breaking News

Liphuma Lendaba, Litshone Lendaba: SiloNkosikazi Sithembile Mlotshwa


Kuliviki silo-Senator weMatopo, engowecele leMDC elikhokhelwa nguMnu Morgan Tsvangirai, uNkosikazi Sithembile Mlotshwa.

Lizakhumbula ukuthi uMaMlotshwa uke waba kuloluhlelo nyakenye ngemva kokutshela idale leSenate ukuthi kumele kudingwe ijekiseni ezakwenza abesilisa babe buthundu baye emacansini kanye ngenyanga njengendlela yokulwisana lomkhuhlane weAids.

Kuliviki, uNkosikazi Mlotshwa uza ngolunye udaba olulempawu eziphose zihambelane lezaloludaba. Uthi kulabontikolotshi asebehluphile esigabeni sakhe abaya emacansini lababalisikazi ezikolo ebusuku bengakwazi.

Uthi abantu besilisa yibo bodwa abafuya imikhoba; ngalokho uthi njengoba ubutabane sebubhahile, obaba abayabe befuye ontikolotshi kumele baye labo emacansini kulokuthi babe lokhu behlupha abesifazana.

Kunjalo nje, umthethwandaba weChinhoyi usunqume ukuthi omama ababili abatholakale benqunu batshela umphakathi ukuthi bebevela loya, kumele bathoniswe, esithi ekuhlolweni kwabo ingqondo kutholakale ukuthi ngabantu abaphike kuhle, abangaphambananga.

UNkosikazi Rosemary Kamanga loNkosikazi Esnath Maodza babotshwe kumaviki amabili asanda kwedlula ngemva kokutholakala duzane lendlu kaErenesi Mafunga benqunu besithi bebegade ukhomane basebetshiywa ngomunye wabo khonapho.

Ababili laba bazaphenduka emthethwandaba mhlaka 11 ngenyanga ezayo.

Ukuloya sokulicala eZimbabwe njalo umuntu nxa ethe watholakala ukuthi ngempela ubeloya, ulakho ukugwethswa ayepika entolongweni.

XS
SM
MD
LG