Okhethwe ukubuyela esikhundleni sokuba nguSomlomo wedale lephalamende uMnu Lovemore Moyo uthi ujabule kakhulu ngokubuyela kulesisikhundla.
UMoyo unqobe uMnu Simon Khaya Moyo yena obemela ibandla leZanu PF kukhetho olwenziwe ngoLwesibili. uMoyo uthole amavoti alikhulu lanhlanu-105, kwathi uKhaya Moyo wathola angu phose alikhulu-93.
Amalunga eMDC ekhokhelwa nguMnu Welshman Ncube avotele uMoyo njalo bakhona abambwalwa abeZanu PF abamvoteleyo.
UMoyo utshele iStudio 7 ukuthi ukhangelele ukuqhubeka ngomsebenzi wakhe esebenzelana kuhle lamabandla wonke ezombusazwe alamalunga edale lephalamende.
Lalela ingxoxo yethu loMoyo kuhlelo Liphuma Lendaba, Litshone Lendaba.
Nxa kukhona elifuna sikuhlafune kuloluhlelo, sithumeleni i e-mail kukheli ethi studio7@voanews.com. Lingathumela njalo itext message kunombolo ezithi 001 202 465 0318.
