Kuliviki sixoxa lomeli weInsiza South edale lephalamende uMnu Siyabonga Malandu Ncube, yena obotshwe ngoLwesibili esetheswa icala lokuthelela omunye untombazama igciwane lengculaza.
Untombazana lo uyintathelizindaba esebenzela iphephandaba likahulumende koBulawayo eleChronicle. Iphephandaba leli lethula izindaba leyamele kubandla leZanu PF.
UMalandu ukhululwe ngoLwesithathu engetheswanda cala ngoba kubikwa kungelabufakazi bokuba ngempela nguye owathelela luntombazana igciwane leHIV.
Ekhuluma leStudio 7 ngemva kokukhululwa, uMalandu uthe umamangala umqambela amanga, esithi yena uhlolwe nyakenye seyehlukene lontombazana lo, watholakala engelalo igciwane lengculaza.
Lalela ingxoxo yethu loMnu Malandu kuhlelo Liphuma Lendaba, Litshone Lendaba.
Nxa kukhona elifuna sikuhlafune kuloluhlelo, sithumeleni i e-mail kukheli ethi studio7@voanews.com. Lingathumela njalo itext message kunombolo ezithi 001 202 465 0318.
