Umlobi osacathulayo uMnu Titshabona Malaba Ncube seyethule ugwalo lwakhe lwakuqala olulesihloko esithi "Igazi Labafo."
UMalaba, yena oke waba ngumbalisi, udabuka eKhezi kodwa okwamanje uhlala eUnited Kingdom .
Kulolugwalo, uMalaba uveza ubunzima abasakhulayo beZimbabwe abahlangana labo nxa bethe bafika kweleSouth Africa bedinga imisebenzi.
Abanye babo bathi sebeyiswele leyomisebenzi basuke baphenduke babe ngogubuzela.
Kodwa okaMalaba uthi ubugubuzela bulomvuzo omubi kakhulu, njalo uxwayisa abasakhulayo ukuba baqine ezifundweni zabo ukuze babe lelakusasa elihle.
Lalela ingxoxo yethu loMalaba kuhlelo Liphuma Lendaba, Litshone Lendaba. Nxa kukhona elifuna sikuhlafune kuloluhlelo, sithumeleni i e-mail kukheli ethi studio7@voanews.com. Lingathumela njalo itext message kunombolo ezithi 001 202 465 0318.
